नाशिक – ‘वाईन’ या शब्दाविषयी अद्यापही सर्वसाधारणपणे समाजात गैरसमज आहे, वास्तविक वाईन हे मद्य असले तरी माफक प्रमाणात घेतल्यास ते आरोग्यासाठी उपयुक्त असल्याचे मत आरोग्य तज्ज्ञांनी वेळोवेळी व्यक्त केले आहे. रेड वाईन पिणे आपल्या आरोग्यासाठी फायदेशीर आहे. यामुळे तणाव दूर राहतो आणि मूड चांगला राहतो, हे बऱ्याच जणांना ठाऊक असते. तसेच त्वचेसाठी आणि मधुमेही रुग्णांसाठी देखील ती उपयुक्त असते, हे आपल्यापैकी फारच कमी लोकांना माहित आहे. रेड वाईन द्राक्षापासून बनवली जाते, ज्यामध्ये रेवॅट्रॉल नावाचा अँटी-ऑक्सिडंट असतो, जो त्वचेवर अँटी-एजंट म्हणून काम करतो. आरोग्यची काळजी घेण्याच्या उपचारासाठी रेड वाईनचा कसा वापर करता येईल ते जाणून घेऊ या…
१) मधुमेह (डायबिटीस ) झालेल्या लोकांसाठी रेड वाईन खूपच फायदेशीर असते. कारण यामध्ये ब्लड शुगर लेव्हल कमी करण्यास मदत होते. एका अभ्यासातून असे दिसून आले आहे की कमी प्रमाणात वाइन पिणे आपल्या हृदयासाठी आणि रक्ताभिसरण प्रणालीसाठी चांगले असू शकते. थोड्या प्रमाणात वाइन पिण्यामुळे टाइप २ मधुमेहाचा धोका कमी होतो.
२) पांढरी वाइन प्रामुख्याने पांढऱ्या द्राक्षांपासून बनवली जाते आणि किण्वन प्रक्रियेच्या आधी ती काढली जाते. तर लाल वाइन गडद लाल किंवा काळ्या द्राक्षांपासून बनविली जाते आणि किण्वन प्रक्रिया कातड्यांसह होते. व्हाईट वाईन हृदयाचे आरोग्य सुधारण्यासाठी ओळखले जाते आणि हृदयरोगाचा धोका कमी करू शकते.
३) रेड वाईनमध्ये आणखी शक्तिशाली अँटिऑक्सिडेंट असतो ज्याला रेस्वेराट्रोल म्हणतात. ते रक्तवाहिन्यांचे संरक्षण करतात आणि रक्ताच्या गुठळ्या रोखू शकतात. त्याच वेळी, रेस्वेराट्रोल खराब कोलेस्टेरॉल कमी करते. चांगले कोलेस्टेरॉल वाढवताना. याचा अर्थ असा आहे की रेड वाईन रक्तदाब नियंत्रित करण्यास मदत करू शकते.
४) रेड वाईनमध्ये पॉलीफेनॉल असतात, जे वृद्धत्वाच्या परिणामांशी लढतात. दिवसातून एक किंवा दोन लाल वाइन तुम्हाला विषारी पदार्थ बाहेर काढून तरुण आणि निरोगी ठेवू शकतात. वास्तविक रेड वाइन आणि व्हाईट वाइन कॅलरीजमध्ये समान आहेत. रेड वाइनच्या सर्व्हिंगमध्ये १२५ कॅलरीज असतात, तर त्याच प्रमाणात व्हाईट वाईनमध्ये १२१ कॅलरीज असतात.
५) व्हाईट वाईनपेक्षा रेड वाईनमध्ये सिलिकॉनचे प्रमाण जास्त असते, म्हणजे हाडांची घनता वाढते व ऑस्टियोपोरोसिस होण्याची शक्यता कमी होते. काही अभ्यासक सुचवतात की, कमी प्रमाणात रेड वाईन पिण्यामुळे हृदय, आतडे आणि मेंदूच्या आरोग्यास प्रोत्साहन देण्यासह काही आरोग्य फायदे होऊ शकतात.
६) अमेरिकन हार्ट असोसिएशनच्या मते, वाइनचा वापर योग्य प्रमाणात आहे. याचा अर्थ पुरुषांसाठी दिवसातून एक ते दोन पेय आणि स्त्रियांसाठी एक पेय योग्य ठरते. साधारणतः रेड वाईन पिण्याचा सल्ला हा डॉक्टरच देतात. कारण ती आरोग्यासाठी चांगली असते.
७) रेड वाईनमध्ये आर्यन, मॅग्नेशिअम, व्हिटॅमीन बी ६ आणि व्हिटॅमीन सीची भरपूर प्रमाणात आढळतं. यामध्ये अनेक अॅक्टीव्ह अँटीऑक्सीडंट पण असतात. त्यामुळे प्रतिकारकशक्ती वाढते. अँटीऑक्सीडंट असल्यामुळे रेड वाईन तणाव कमी करते आणि फ्री रॅडीकलपासूनही रक्षण करते. यामुळे त्वचा तुकतुकीत दिसते.
८) रेड वाईनही काळ्या द्राक्षांपासून बनवली जाते. त्यामुळे रेड वाईनचे सेवन हे पचनशक्तीही मजबूत करते. मर्यादित प्रमाणात रेड वाईनचे सेवन केल्यास पोटातील बॅक्टेरिया नाश पावतात आणि पोटांचा अल्सरही कमी होतो.
९) रेड वाईन ब्लड क्लॉटींग म्हणजेच रक्ताच्या गुठळ्या होण्याच्या समस्येवरही गुणकारी आहे. यामुळे हार्ट अटॅक, स्ट्रोक आणि पल्मनरी एम्बोलिज्मचा धोकाही कमी होतो. नुकत्याच एका शोधात आढळले आहे की, रेड वाईनच्या सेवनाने स्मरणशक्ती बाबतच्या समस्याचे ही निवारण होते.
१०) रेड वाईनचे सेवन हे सौंदर्यासाठीही उपयुक्त मानले जाते, काही महिलांमध्ये वाढत्या वयासोबत त्वचेची सुंदरता कमी होऊ लागते. अशा परिस्थितीत रेड वाईनचा वापर हा फेसपॅक म्हणून केल्यास उपयुक्त ठरतो.
११) व्हर्जीनिया युनिव्हर्सिटीने केलेल्या एका संशोधनानुसार, आठवड्यातून एकदा एक ग्लास रेड वाईन प्यायलास कॅन्सरचा धोकाही कमी होतो. रेड वाईन कॅन्सरच्या कोशिकांच्या वाढीची शक्यता कमी करते.
१२) रेड वाईनचं सेवन करणाऱ्या लोकांच्या दातातही कॅव्हिटीची समस्या आढळत नाही. रेड वाईनमुळे हिरड्यांची सूजही कमी होते. दातांमधील बॅक्टेरियाही रेड वाईनमुळे नष्ट होतात आणि दात पहिल्यापेक्षा जास्त मजबूत होतात.
…..
(विशेष सूचना : आपण रेड वाईनच्या फायद्यांबाबत जाणून घेत असलो तरी हे देखील विसरू नका की, हा एक अल्कोहोलचाच प्रकार आहे. त्यामुळे कोणत्याही गोष्टींचे अतिप्रमाणात सेवन केल्यास आपल्या आरोग्यावर चुकीचा प्रभाव पडतो. त्यामुळे याचे सेवनही मर्यादित प्रमाणात व आपल्या डॉक्टरांच्या सल्ल्यानेच करावा)
