मुकुंद बाविस्कर, इंडिया दर्पण वृतसेवा
फळांचा रस केव्हाही प्यायल्याने आपल्याला झटपट ताजेतवाने झाल्याचे वाटते. विशेषतः थंड रस उन्हाळ्यात शरीराला थंडावा देतो. मात्र, थंडीतही ज्यूस पिणे ताजेतवाने असते. आपण भरपूर मोसमी, संत्रा आणि अनेक फळांचे रस प्याले असतील. त्याचप्रमाणे आपण उसाचा रसही केव्हाही पिऊ शकतो. हा रस केवळ प्याल्याने ताजेतवाने वाटत नाही तर शरीराला ऊर्जा देतो, कारण ते एक आरोग्यदायी पेय आहे.
ऊसाच्या रसात लोह, मॅग्नेशियम, कॅल्शियम, पोटॅशियम आणि फॉस्फरस सारखे गुणधर्म आहेत. हे सर्व घटक आपल्या शरीराला आवश्यक असतात. हे उच्च रक्तदाब नियंत्रित करते, हाडे मजबूत करते, कोलेस्ट्रॉलची पातळी नियंत्रित करते, वजन कमी करण्यास मदत करते. यासोबतच कावीळ आणि विषाणूजन्य तापातही हे फायदेशीर आहे. उन्हाळ्यात शरीराला हायड्रेट ठेवण्यासाठी उसाचा रस खूप फायदेशीर आहे. जाणून घेऊ या उसाचा रस पिण्याचे फायदे…
कावीळ मध्ये फायदेशीर : कावीळ झाल्यास उसाचा रस पिण्याचा सल्ला डॉक्टर नेहमीच रुग्णाला देतात. कारण याच्या सेवनाने रोगप्रतिकारक शक्ती वाढते. त्याचबरोबर मधुमेहाचा त्रास असलेले लोकही उसाच्या रसाचे सेवन करू शकतात. यात खूप कमी ग्लायसेमिक इंडेक्स आहे जे मधुमेहाच्या रुग्णांसाठी फायदेशीर आहे.
पाचनशक्ती मजबूत करते : यामध्ये पोटॅशियमचे प्रमाण चांगले असते, जे पचनसंस्थेसाठी फायदेशीर ठरते. यासोबतच उसाचा रस पोटातील संसर्ग दूर करण्यासाठी उपयुक्त आहे. आपल्याला बद्धकोष्ठतेची समस्या असेल तेव्हा उसाचा रस वापरून पहा. यामुळे बद्धकोष्ठतेच्या समस्येवर आराम मिळतो.
कर्करोगात प्रभावी : यामध्ये लोह, मॅग्नेशियम, पोटॅशियम आणि कॅल्शियम आढळतात, जे कर्करोगाशी लढण्याची क्षमता देतात. या घटकांमुळे उसाच्या रसाची चव खारट असते.
त्वचेसाठी फायदेशीर : उसाच्या रसामध्ये अल्फा हायड्रॉक्सी अॅसिड आणि ग्लायकोलिक अॅसिड असते, ज्यामुळे त्वचेच्या सर्व समस्या दूर होतात. यासोबतच याच्या सेवनाने त्वचेला अतिरिक्त ग्लो येतो. त्वचा सुधारण्यासाठी दररोज उसाचा रस करू शकता.
