बदलत्या हवामानात रोगप्रतिकार शक्ती वाढविण्याकरिता दररोज प्या हा काढा

पुणे – सध्या ताणतणावपूर्ण जीवनशैली आणि बदलत्या हवामानात सर्दी-खोकला आणि थंडी-तापाचा धोका वाढतो. विशेषत: पावसाळ्यात डास चावल्यामुळे अनेक रोग पसरतात. यामध्ये डेंग्यू, मलेरिया, झिका विषाणू आणि चिकन गुनियाचा समावेश आहे. डेंग्यू आणि मलेरियाचा प्रतिबंध विशेषतः महत्वाचा आहे. प्रतिकार मजबूत करण्यासाठी डॉक्टर दररोज काढा पिण्याचा देखील सल्ला देतात. यासाठी आपण कांदा वापरू शकता. रोगप्रतिकार शक्ती वाढविण्याकरिता दररोज कांद्याचा काढा प्यायल्याने फायदा होतो.

या दिवसात सर्दी-खोकला आणि थंडी ताप टाळण्यासाठी दररोज काढा घ्यावा, कारण बदलत्या हंगामात रोगप्रतिकारक शक्ती मजबूत करण्यासाठी कांद्याचा काढा फायदेशीर ठरू शकतो. कारण कांद्यामध्ये लोह, फोलेट, पोटॅशियम, व्हिटॅमिन ए, बी 6, बी-कॉम्प्लेक्स, अँटीऑक्सिडंट, एंटी-इंफ्लेमेटरी, अँटी-एलर्जीक आणि अँटी-कार्सिनोजेनिक, गंधकयुक्त संयुगे आणि फ्लेव्होनॉइड असतात. ते बर्‍याच रोगांमध्ये फायदेशीर असतात. त्यामुळे रोगप्रतिकारक शक्ती मजबूत होते.

युरोपियन जर्नल ऑफ क्लिनिकल न्यूट्रिशनमध्ये प्रकाशित झालेल्या संशोधनानुसार, कांद्यामध्ये क्वेरेसेटिन नावाचे फ्लॅव्होनॉइड असतात, ते रक्तातील अँटीऑक्सिडंट्सला चालना देतात. पावसाळ्यात कांद्याचा डिकोक्शन सर्दी, खोकला, ताप इत्यादी आजारांमध्ये फायदेशीर ठरतो. याच्या सेवनाने रोगप्रतिकारक शक्ती मजबूत होते.

काढा असा तयार करावा

प्रथम एका भांडयात पाण्यामध्ये लसूण आणि बारीक केलेला कांदा उकळवा. काही काळानंतर मिरपूड, लवंगा, आले आणि दालचिनी घाला, आणि त्याला चांगले उकळू द्या. जेव्हा त्याचा रंग बदलेल, तेव्हा गॅस बंद करा. त्यानंतर चहाच्या गाळणीच्या सहाय्याने काढा गाळूण घ्यावे आणि थोडे थंड होऊ द्या. त्यानंतर त्याचे सेवन करा. आपण त्याची चव वाढविण्यासाठी गूळ किंवा मध वापरू शकता. दररोज सकाळी आणि संध्याकाळी कांद्याचा एक कप काढा प्यावा. कोरोना कालावधी दरम्यान रोग प्रतिकार शक्ती व्यवस्थित ठेवायची असेल तर या काढयाचा आहारात समावेश करावा.
(सूचना : वरिल माहिती सर्वांसाठी उपयुक्त आहे, मात्र डॉक्टर किंवा वैद्यकीय व्यावसायिकाच्या सल्ल्यानुसारच याचा वापर करावा. तसेच काही आजारपण किंवा संसर्गाची लक्षणे आढळल्यास डॉक्टरांचा सल्ला घ्यावा. )