मुकुंद बाविस्कर, मुंबई
रक्तातील साखरेची पातळी नियंत्रित करण्यासाठी लसूण खूप उपयुक्त असल्याचे तज्ज्ञांचे म्हणणे आहे. लसणामध्ये असलेले अमीनो आम्ल होमोसिस्टीनचे प्रमाण कमी करण्यासाठी प्रभावी आहे, ते रक्तातील साखरेची पातळी नियंत्रित करण्यास मदत करते. वास्तविक आपल्या आहारात लसणाचा वापर चव वाढवण्यासाठी केला जातो. तसेच भाजीचा मसाला बनवण्यासाठी, पिझ्झामध्ये आणि इतर अनेक प्रकारच्या पदार्थांमध्ये लसून वापरला जातो. परंतु आरोग्यासाठी लसून किती फायदेशीर आहे हे जाणून घेऊ या-
रक्त शुद्धी
रक्त शुद्ध करून मुरुमांच्या मूळ कारणाचा सामना करण्यासाठी लसूण फायदेशीर आहे. कच्च्या लसणाच्या दोन कळ्या रोज सकाळी थोड्या कोमट पाण्यासोबत घ्या आणि दिवसभर भरपूर पाणी प्या.
अँटी-बॅक्टेरियल
हजारो वर्षांपासून या औषधी वनस्पती लसणाचा उपयोग जिवाणू, बुरशीजन्य आणि परजीवी संसर्गावर उपचार करण्यासाठी केला जात आहे. प्रतिजैविक म्हणून ते वापरले जात आहे. टेपवर्म इन्फेक्शन असलेल्या मुलांना थोडा लसूण खायला दिल्यास त्यांची समस्या काही वेळातच सुटते. यामुळे पोटात कळा निर्माण करणारे सर्व जीवाणू दूर राहतील.
वजन कमी करणे
वजन कमी करायचे असल्यास एका ग्लास कोमट पाण्यात अर्ध्या लिंबाचा रस पिळून सकाळी लसूणच्या २ पाकळ्या टाकून खावे. हे पाणी आपल्या पचनास देखील मदत करेल आणि आपल्या शरीरातील विषारी पदार्थ बाहेर टाकेल.
सर्दी आणि फ्लू
रोज लसूण खाल्ल्याने सर्दी आणि फ्लूपासून सुटका मिळते. एका दिवसात कच्च्या किंवा शिजवलेल्या लसूणच्या २ पाकळ्या घ्या किंवा लसणाच्या चहामध्ये थोडे मध मिसळू शकता. हा फॉर्म्युला रोगप्रतिकारक शक्ती देखील सुधारतो. मटनाचा रस्सा आणि सूपमध्ये देखील लसूण टाकले जाऊ शकते.
हृदयाच्या समस्या
अॅलिसिनच्या अँटी-ऑक्सिडंट गुणधर्मांमुळे, दररोज लसणाचे सेवन केल्याने कोलेस्ट्रॉलची पातळी कमी होण्यास मदत होते. यासाठी लसूण पूर्णपणे शिजवू नका. कारण लसूण शिजवल्यावर त्याचे गुणधर्म गमावते.
केस आणि त्वचा
लसूण कोलेजनचे नुकसान कमी करते. वृद्धत्वाच्या त्वचेची लवचिकता कमी होते. बुरशीजन्य संसर्गाने संक्रमित त्वचेसाठी हा एक उपचार आहे आणि एक्झामापासून मुक्त होण्यास मदत करते. केसांसाठी, ठेचलेला लसूण अर्क टाळूवर चोळा किंवा लसूण तेलाने मसाज करा.
आहारात वापर
रक्तातील साखरेची पातळी नियंत्रणात ठेवण्यासाठी आपण रिकाम्या पोटी लसणाचे सेवन करू शकता. याशिवाय लसूण हा भाजल्यानंतरही खाऊ शकता. यासाठी कढईत थोडे मोहरीचे तेल घाला आणि ते गरम झाल्यावर त्यात लसणाच्या पाकळ्या टाका आणि चांगले तळून घ्या. आता त्यात थोडे काळे मीठ घालून खा, म्हणजे खूप फायदेशीर ठरेल.
सांधेदुखी
लसणामध्ये असलेले अँटी-ऑक्सिडंट आणि दाहक-विरोधी गुणधर्म संधिवात झाल्यामुळे सूज आणि वेदना कमी करण्यास मदत करतात. त्यामुळे लसूण आपल्या नियमित आहारात समाविष्ट करू शकता, परंतु त्या आधी आपण प्रथम आपल्या डॉक्टरांचा सल्ला घेणे महत्वाचे आहे.
रोग प्रतिकारशक्ती
लसूणमध्ये व्हिटॅमिन सी आणि बी 6, आणि मॅंगनीजमध्ये समृद्ध आहे. ही सर्व जीवनसत्त्वे आणि खनिजे रोग प्रतिकारशक्ती वाढवण्यास मदत करतात. तज्ञांचे म्हणणे आहे की लसणीमध्ये अँटी-ऑक्सिडंट आणि अँटी-बायोटिक गुणधर्म असतात, जे शरीराची रोगांशी लढण्याची क्षमता मजबूत करतात.
यांनी खाऊ नये
दमा किंवा अस्थमाच्या रुग्णांनी लसणापासून दूर राहावे. शस्त्रक्रिया किंवा वैद्यकीय ऑपरेशन करण्यापूर्वी लसूण टाळण्याचा सल्ला दिला जातो. अशा वेळी डॉक्टरांच्या सल्ल्यानेच लसूण खावा.
