मुकुंद बाविस्कर, इंडिया दर्पण वृतसेवा
आरोग्य राखण्यासाठी रात्रीच्या वेळी पौष्टिक पदार्थांच्या सेवनावर भर दिला जातो. दुधाला भारतीय संस्कृतीत पूर्ण म्हटले अन्न जाते. त्यामुळे नवजात बाळापासून ते ज्येष्ठ नागरिकांपर्यंत सर्वांसाठीच दूध उपयुक्त ठरते. त्यातच वर्षानुवर्षे रात्री दूध पिणे आरोग्यासाठी विशेषतः फायदेशीर मानले जात आहे. दूध हे संपूर्ण अन्न मानले जाते, त्यात असलेले जीवनसत्त्वे आणि पौष्टिक घटक शरीराला खूप पोषक ठरतात. रात्री गरम दूध सेवन करणे आरोग्यासाठी अनेक प्रकारे फायदेशीर मानले जाते. झोपण्यापूर्वी दुधाचे सेवन केल्याने तुम्हाला आराम मिळण्यास आणि दिवसभराच्या मेहनतीनंतर चांगली झोप येण्यास मदत होते.
दुधामध्ये कॅलरी, प्रथिने, कॅल्शियम, व्हिटॅमिन डी, व्हिटॅमिन बी 12 आणि पोटॅशियम भरपूर प्रमाणात असते. दूध देखील उत्तम पूरक मानले जाते. एका अभ्यासातून असे दिसून आले आहे की रात्रीच्या वेळी कोमट दुधात चिमूटभर हळद मिसळून सेवन करणे शरीरासाठी इतर अनेक प्रकारे फायदेशीर ठरू शकते.
संशोधकांचे म्हणणे आहे की दूध आणि दुग्धजन्य पदार्थांमध्ये ट्रिप्टोफॅन नावाचे एमिनो अॅसिड असते, जे झोपेला चालना देण्यास मदत करते. ट्रिप्टोफॅन शरीराला आराम देण्यासाठी उपयुक्त आहे, ज्यामुळे चांगली झोप लागते. दुधामध्ये असलेले विशिष्ट प्रथिने मेंदूच्या रिसेप्टर्सला चालना देण्यासाठी ओळखले जातात जे चिंता आणि तणाव कमी करण्यास मदत करतात.
झोपण्यापूर्वी दूध प्यायल्याने तुमच्या झोपेची गुणवत्ता लक्षणीयरीत्या सुधारू शकते. दुधामध्ये ट्रिप्टोफॅन आणि बायोएक्टिव्ह पेप्टाइड्स असतात जे झोपेच्या पद्धतींवर सकारात्मक परिणाम करू शकतात. ताणतणावामुळे झोपेचा त्रास होतो, त्यांना रात्री दूध पिण्याचा सल्ला दिला जातो. पोषक तत्वांच्या पुरवठ्यासाठी दुधाचे सेवन देखील खूप फायदेशीर ठरू शकते.
आरोग्य तज्ज्ञांच्या मते, रात्री दूध पिण्याची सवय वजन कमी करण्यास मदत करू शकते. दूध हा प्रथिनांचा एक अत्यावश्यक स्रोत आहे, त्यामुळे रक्तातील साखरेची पातळी नियंत्रित ठेवण्यास आणि पुरेशी उर्जा पातळी सुनिश्चित करण्यात मदत करू शकतो. वजन कमी करण्याचा प्रयत्न करणाऱ्यांनी कमी चरबीयुक्त दुधाचे सेवन करावे, यासाठी दुधाची साय काढून टाकता येते.
रात्री दूध प्यायल्याने त्वचेसाठी अनेक फायदे होतात. दुधाचे नियमित सेवन केल्याने त्वचा चांगली राहते. दुधामध्ये व्हिटॅमिन बी-12 देखील पुरेशा प्रमाणात असते जे त्वचेचे आरोग्य चांगले ठेवण्यास मदत करते. याशिवाय दुधामध्ये असलेले व्हिटॅमिन-ए नवीन पेशींच्या निर्मितीस प्रोत्साहन देते तसेच त्वचेच्या विविध आजारांशी लढण्यास मदत करते. तसेच दूध लावल्यानेही चेहरा चमकदार राहण्यास मदत होते.
(टीप: हा बातमी वजा लेख वैद्यकीय अहवाल आणि आरोग्य तज्ज्ञांच्या सूचनांच्या आधारे तयार करण्यात आला आहे. सर्व माहिती डॉक्टर, तज्ञ आणि शैक्षणिक संस्था यांच्याशी संवाद साधून तयार केले आहेत. संबंधित वाचकाचे ज्ञान आणि जागरूकता वाढवण्यासाठी तयार करण्यात आला असून यात नमूद केलेल्या संबंधित रोगाबद्दल अधिक तपशीलांसाठी डॉक्टरांचा सल्ला घ्यावा.)
