इंडिया दर्पण वृतसेवा – आधुनिक काळात वेगवेगळे आजार वाढल्याने संपूर्ण माणूस समाज त्रस्त झाला आहे. त्यातच हृदयरोग, मधुमेह, कर्करोग यासारख्या गंभीर आजारामुळे अनेक नागरिक त्रासले हे दिसून येतात. तसेच यापासून मुक्तता व्हावी म्हणून वेगवेगळे उपचार आणि उपाययोजना करताना देखील दिसतात. त्यातच मधुमेह या आजारात बहुतांश नागरिकांना ग्रासले आहे. रक्तातील साखर कमी करण्यासाठी सकस आहार घेणे आवश्यक आहे. परंतु मधुमेहाचे रुग्ण अन्नाबाबत सर्व प्रकारच्या गोंधळात राहतात.
रक्तातील साखर वाढेल असे काही खाऊ नये अशी चिंता त्यांना असते. असे बरेच नागरिक आढळतील ज्यांना असे वाटते की मधुमेहाच्या रुग्णांनी फळे खाऊ नयेत, कारण त्यात कार्बोहायड्रेट्ससह फ्रक्टोज असते, ज्यामुळे साखरेची पातळी वाढू शकते. पण खरेच असे आहे का?
आरोग्य तज्ज्ञांच्या मते, मधुमेहाच्या रुग्णांनी फळांपासून पूर्ण दूर राहावे असे नाही. फळांमध्ये अनेक प्रकारचे पोषक घटक आढळतात, जे शरीराच्या सर्वांगीण विकासासाठी अत्यंत आवश्यक असतात. मधुमेह तज्ज्ञ सांगतात की, फळांमध्ये अँटी-ऑक्सिडंट्ससह अनेक पोषक घटक असतात, जे शरीरासाठी खूप महत्त्वाचे असतात.
फळांमध्ये फ्रुक्टोज आढळत असून तो साखरेचा एक प्रकार आहे. शरीरात प्रवेश केल्यानंतर त्याचे रूपांतर ग्लुकोजमध्ये होते. म्हणूनच मधुमेही रुग्णांनी कोणती फळे आणि किती प्रमाणात खाऊ शकतात हे लक्षात ठेवणे अत्यंत आवश्यक आहे.
मधुमेह तज्ज्ञ म्हणतात की, साखरेचे रुग्ण कोणतेही एक किंवा दोन फळे घेऊ शकतात, यापेक्षा जास्त नाही. तसेच चुकूनही कोणत्याही फळाचा रस काढू नका, तर फळ कापल्यानंतरच खा, कारण रस काढण्याच्या प्रक्रियेमुळे साखरेचे प्रमाण वाढते, कारण हानिकारक ठरू शकते.
तज्ज्ञांच्या मते, अनेक फळांमध्ये ग्लायसेमिक इंडेक्स खूप जास्त असतो, ज्यामुळे साखर वाढू शकते. त्याचप्रमाणे अनेक फळांचा ग्लायसेमिक इंडेक्स खूपच कमी असतो. कमी साखर असलेली फळे मधुमेही रुग्ण घेऊ शकतात.
पेरू, सफरचंद, टरबूज, अननस, किवी, ब्लूबेरी-स्ट्रॉबेरी फळे खा, पण या फळांच्या रसापासून अंतर ठेवा कारण फ्रूट ज्यूस मधुमेहासाठी वाईट आहे. मधुमेहाच्या रुग्णांनी पॅकेज केलेला फळांचा रस अजिबात घेऊ नये. तज्ज्ञांच्या मते त्यात साखरेचे प्रमाण खूप जास्त असते. दुसरे- इतर अनेक घटक आहेत, जे रक्तातील साखर वाढवू शकतात. फळांच्या रसाच्या तुलनेत संपूर्ण फळ हा सर्वोत्तम पर्याय आहे.
