मुकुंद बाविस्कर, इंडिया दर्पण वृतसेवा
केवळ जगातील अन्य देशात नव्हे तर आपल्या भारत देशात देखील नवनवीन आजारांच्या संख्येत भर पडत आहे. त्यातच गंभीर आणि जुने आजार देखील अनेक नागरिकांमध्ये वाढलेले असून यात विशेषतः मधुमेहाच्या रुग्णाला संख्येत गेल्या पाच वर्षात देशभरात लक्षणीय वाढ झालेली दिसून येते. त्यामुळे मधुमेहावर वेगवेगळ्या प्रकारे औषध उपचार करण्यात येतात. मात्र आयुर्वेदातील उपचार पद्धतीची अधिक लाभदायक ठरत असल्याचे आढळून येते. मधुमेहाच्या रुग्णांची संख्या दिवसेंदिवस वाढत आहे. हा असा आजार आहे जो एकदा झाला की आयुष्यभर सोबत राहतो. यासाठी मधुमेही रुग्णांनी आहार आणि जीवनशैलीसह आरोग्याकडे विशेष लक्ष दिले पाहिजे.
यापैकी टाईप 2 मधुमेह अधिक धोकादायक आहे. या स्थितीत स्वादुपिंडातून इन्सुलिन हार्मोनचे उत्सर्जन पूर्णपणे थांबते. त्याच वेळी, रक्तातील साखरेची पातळी वाढते. जर तुम्ही देखील मधुमेहाचे रुग्ण असाल आणि साखरेवर नियंत्रण ठेवायचे असेल तर हे घरगुती पेय रोज प्या. हे पेय साखर नियंत्रणात उपयुक्त असल्याचे अनेक संशोधनातून समोर आले आहे. या, त्याबद्दल जाणून घेऊ या…
रिसर्चगेटवर प्रसिद्ध झालेल्या एका संशोधनात असे समोर आले आहे की मधुमेही रुग्णांसाठी कढीपत्ता कोणत्याही औषधापेक्षा कमी नाही. याच्या सेवनाने साखर नियंत्रणात राहते. हे संशोधन उंदरांवर करण्यात आले. यामध्ये उंदरांना महिनाभर कढीपत्ता अर्क देण्यात आला. कढीपत्त्याच्या अर्काच्या सेवनाने साखर नियंत्रणात राहते, असे यातून समोर आले. याशिवाय इतर अनेक आजारांवर ते फायदेशीर आहे. विशेषत: लठ्ठपणाचा त्रास असलेल्या लोकांसाठी कढीपत्ता देखील फायदेशीर आहे. यासाठी साखर नियंत्रणात कढीपत्ता खाऊ शकतो.
आरोग्य तज्ज्ञांच्या मते, यासाठी रोज सकाळी कढीपत्ता चावून खावा. डॉक्टरांचा सल्ला घेतल्यानंतर तुम्ही कढीपत्त्याचा रस देखील घेऊ शकता. हवे असल्यास कढीपत्ता सुकवून पावडर तयार करा. आता रोज सकाळी पावडर एका ग्लास पाण्यात मिसळून सेवन करा. याशिवाय कडुलिंबाच्या पानांचा रसही सेवन करू शकतो.
health tips diabetes drink juice sugar control
