आरोग्य टीप्स : रोगप्रतिकारक शक्ती वाढीसाठी दररोज प्या हा चहा

विशेष प्रतिनिधी, पुणे

कोरोना साथीच्या काळात मास्क लावणे, वारंवार हात धुणे, सॅनेटायझरचा वापर, लसीकरण  याबरोबरच रोगप्रतिकारक शक्ती वाढविण्यासाठी विविध प्रयत्न करण्यात येत असून यासाठी आयुर्वेदिक वनस्पतींचा मोठ्या प्रमाणावर वापर वाढला आहे.

      देशभरात रोगप्रतिकारक शक्ती मजबूत करण्यासाठी लोकांमध्ये जागरूकता वाढली असून अनेक लोक त्यांच्या आरोग्याकडे विशेष लक्ष बदलत्या वातावरणामुळे होणाऱ्या आजारांपासून स्वत: चे रक्षण करत आहेत. विविध रोग टाळण्यासाठी डॉक्टर नेहमीच रोगप्रतिकारक शक्ती मजबूत करण्याची शिफारस करतात. यासाठी योग्य दिनचर्या पाळणे, योग्य आहार आणि रोज योगा आणि व्यायाम करणे आवश्यक आहे.

तसेच, आहारात आवश्यक पौष्टिक पदार्थांचा समावेश करावा आणि जंक फूड खाणे टाळावे, याशिवाय दररोज आयुर्वेदिक किंवा नैसर्गिक वनस्पतीचा हर्बल चहा पिणे योग्य आहे, असे संशोधनात असे सिद्ध झाले आहे. तसेच हर्बल चहा पिल्याने रोगप्रतिकार शक्ती मजबूत होते. आता कोणता हर्बल चहा प्यावा, त्याबद्दल जाणून घेऊ या…

     आयुर्वेदात औषधी वनस्पतींचे विशेष महत्त्व आहे.  या औषधी वनस्पतींच्या पानांपासून हर्बल चहा बनविला जातो.  त्यातील एक कॅमोमाइल चहा आहे.  त्यात अनेक औषधी गुणधर्म आढळतात जे आरोग्यासाठी फायदेशीर असतात. त्याची फुले वाळलेली असतात आणि चहाच्या पत्ती म्हणून वापरतात.  बर्‍याच ठिकाणी कॅमोमाईलची ताजी फुले देखील वापरली जातात. यामध्ये मधुमेह विरोधी गुणधर्म आहेत, जे साखर नियंत्रित करण्यास उपयुक्त आहेत. याव्यतिरिक्त, कॅफिन हा घटक कॅमोमाइल चहामध्ये आढळत नाही.  यासाठी डॉक्टर मधुमेहाच्या रुग्णांना कॅमोमाइल चहा पिण्याचा सल्लाही देतात.

       रिसर्च गेटवर प्रकाशित झालेल्या लेखात असा दावा केला आहे की, कॅमोमाइल चहा पिण्यामुळे रोगप्रतिकार शक्ती मजबूत होते. याच्या सेवनाने संसर्गाचा धोका कमी होतो. या संशोधनात, १४ स्वयंसेवकांचा समावेश करण्यात आला, त्यांना दोन आठवड्यांसाठी दररोज ५ कप कॅमोमाइल चहा पिण्याचा सल्ला देण्यात आला.

कॅमोमाइल चहा आरोग्यासाठी किती फायदेशीर आहे याचा तपास या संशोधनात केला गेला. आणखी एका संशोधनात असे समोर आले आहे की कॅमोमाइल चहा पिल्याने उच्च रक्तदाब नियंत्रित राहतो. यासाठी, कोरोना कालावधीत डॉक्टरांचा सल्ला घेतल्यानंतर, दररोज दोन कप कॅमोमाइल चहा पिण्यास हरकत नाही.
…….
( सूचना: सदर बातमीतील टिप्स आणि सूचना सामान्य माहितीसाठी आहेत. आपल्या तज्ज्ञ डॉक्टर किंवा वैद्यकीय व्यावसायिकाच्या सल्ल्यानुसार त्याचा वापर करावा, तसेच कोणत्याही आजारपण किंवा संसर्गाची लक्षणे आढळल्यास डॉक्टरांचा सल्ला घ्यावा.)