पुणे – शरीर निरोगी राहण्यासाठी चांगला आहार घेणे आवश्यक आहे. जेवण हे पौष्टिकांनी परिपूर्ण असावे, याची काळजी घेतली पाहिजे. काही लोक काकडीत पाण्याचे प्रमाण जास्त असल्याने, भरपूर प्रमाणात खातात,असे केल्याने ते त्या व्यक्तीचे शरीर हायड्रेटेड ठेवण्यास मदत करते. काकडीची कोशिंबीर म्हणून अधिक खाल्ली जाते. काकडीमध्ये भरपूर प्रमाणात अँटीऑक्सिडेंट आणि व्हिटॅमिन-के देखील आढळतात. पण तुम्हाला माहिती आहे का, की काकडी जास्त प्रमाणात खाल्ली किंवा रात्री खाल्ली तर ती आपल्याला हानी पोहचवते.
काकडी मोठ्या प्रमाणात खाल्ली तर पोटातील समस्या वाढू शकतात. कारण काकडीमध्ये ९५ टक्के पाणी असते. अशा परिस्थितीत, जास्त प्रमाणात सेवन केल्याने पोटफुगी होऊ शकते. काकडीचा जास्त प्रमाणात सेवन केल्यास शरीरातून जास्त प्रमाणात पाणी बाहेर येते. या प्रकरणात इलेक्ट्रोलाइट जास्त त्रास होऊ शकतो. म्हणूनच रात्री काकडी खाऊ नये, असे डॉक्टर सांगतात.
रात्री काकडी न खाण्यामागे आणखी एक शास्त्रीय कारण आहे. वास्तविक, रात्री काकडी खाल्ल्याने पचन प्रक्रियेमध्ये व्यत्यय येऊ शकतो, ज्यामुळे आपली झोप अस्वस्थ होऊ शकते. आपण योग्य झोपू घेऊ शकत नाही. काकडी पचविणे सोपे नाही. म्हणून रात्री त्याचे सेवन करणे टाळा. कारण आपल्या पचन व्यवस्थेवर दुहेरी परिणाम होऊ शकतो. रात्री काकडी खायची असेल तर झोपेच्या किमान ४-५ तास आधी काकडी खावी. आजारी लोकांनी सेवन करू नये, तसेच ज्यांना आधीच पोटाची समस्या आहेत, ज्यांचे पोट दुखत असेल त्यांनी काकडीचे सेवन टाळावे. तसेच ज्यांना अन्न पचण्यास त्रास होत आहे, त्यांनीही काकडी खाणे टाळावे, असे तज्ज्ञ सांगतात.
…..
(सूचना : आरोग्य आणि आहाराबाबत प्रकाशित झालेले सर्व लेख व बातम्या या डॉक्टर, तज्ज्ञ आणि वैद्यकीय शैक्षणिक संस्थांशी संवाद साधण्याच्या आधारेच तयार केले गेले आहेत. त्यात नमूद केलेली तथ्ये आणि माहिती संबंधित वाचकांचे ज्ञान आणि जागरूकता वाढविण्यासाठीच आहेत. यात दिलेल्या माहितीचा इंडिया दर्पण कोणताही दावा करीत नाही किंवा कोणतीही जबाबदारी घेत नाही. अधिक माहितीसाठी आपण आपल्या डॉक्टरांचा सल्ला घ्यावा. )
