मुंबई (इंडिया दर्पण वृत्तसेवा) – रक्तातील साखरेचे प्रमाण अति झाल्याने अनेक गंभीर समस्या उद्भवू शकतात. अशा परिस्थितीत सकस आहार आणि उत्तम जीवनशैली असणे अत्यंत आवश्यक आहे. उच्च रक्तातील साखरेच्या रुग्णांनी नाश्ता करतानाही काही गोष्टी लक्षात ठेवाव्यात. जर या गोष्टींकडे आपण दुर्लक्ष केले तर आरोग्याच्या अनेक गंभीर समस्या निर्माण होऊ शकतात. यामुळे ज्या रुग्णांना साखरेचा त्रास आहे, अशांनी आपल्या आरोग्याची काळजी घेणे अत्यंत महत्वाचे आहे.
आपण सकाळच्या नाश्त्यामध्ये काय खातो हे देखील अत्यंत महत्वाचे आहे. बरेच नागरिक वजन कमी करण्याच्या चक्करमध्ये सकाळी नाश्ता करणे टाळतात. मात्र, असे करणे आपल्या आरोग्यासाठी अत्यंत धोकादायक आहे. सकाळचा नाश्ता वगळू नये. मधुमेही रुग्णांसाठी हे अत्यंत घातक ठरू शकते. एका अभ्यासानुसार, मधुमेहाने त्रस्त नागरिक जे नाश्ता करत नाहीत, त्यांच्या रक्तातील साखरेची पातळी वाढते. यामुळे मधुमेही रूग्णांनी नाश्ता करणे आवश्यक आहे.
एका संशोधनानुसार, प्रोटीनचे सेवन केल्याने तुम्हाला दीर्घकाळ पोट भरल्यासारखे वाटते. उच्च प्रथिनेयुक्त आहार घेतल्यास रक्तातील साखरेची पातळी नियंत्रित राहण्यास मदत होते. तुम्ही नाश्त्यात बीन्स, मसूर आणि ड्रायफ्रूट्स घेऊ शकता. तसेच प्रोटीनयुक्त पदार्थांचा आहारात समावेश केल्याने वजनही कमी होण्यास मदत होते.
बिघडलेल्या राहणीमानामुळे बहुतांश लोक आजारांंना सामोरे जात असतात. पूर्वी `कुपोषण’ ही जगातील सर्वात गंभीर समस्या आहे असे मानले जात असे. या समस्येची जागा `लठ्ठपणा’ या नव्या आजाराने घेतली आहे. शरीरातील चरबी वाढल्यामुळे इतर शारीरिक आजार बळावतात. लठ्ठपणामुळे होणाऱ्या `मधुमेह’ (Diabetes) या आजारामुळे जगातील असंख्य नागरिकांचे शारीरिक स्वास्थ्य बिघडत आहे.
वजन वाढल्यामुळे मधुमेहाची समस्या होऊ शकते. काही वेळेस मधुमेह झाल्यानंतर वजन वाढत जाते. मधुमेहामुळे रक्तामध्ये साखरेचे प्रमाण वाढल्यामुळे ग्लुकोजची पातळी वाढते. शरीरामध्ये ग्लुकोजचे प्रमाण अधिक असल्यास इन्सुलिन (Insulin) या हार्मोनची पातळी बिघडते. मधुमेह असलेल्या व्यक्तींना स्वतःच्या शरीरामध्ये साखरेचे प्रमाण नियंत्रणामध्ये आहे की नाही याची वेळोवेळी खात्री करावी लागते. दिनक्रमामध्ये काय खाल्ले आहे याचा हिशोब ठेवावा लागतो. याशिवाय काय खाऊ नये या विषयी डाॅक्टरांचे मार्गदर्शन घ्यावे लागते.
काही पदार्थांमुळे रक्तातील साखरेची पातळी वाढते. तर काही पदार्थ खाल्यामुळे शरीरामधील साखरचे प्रमाण कमी होते. मधुमेह असणार्‍यांंना आपल्या आहारामध्ये काही बदल करावे लागतात. मधुमेह होऊ नये यासाठी शर्करायुक्त पदार्थांचे अतिसेवन करु नये. काही पदार्थ खाल्यामुळे रक्तातील साखरेचे प्रमाण नियंत्रणात राहते. या खाद्यपदार्थांची माहिती आर्टिकलमध्ये दिली आहे. ब्लड शुगरचे प्रमाण कंट्रोलमध्ये राहावे याकरिता हे पदार्थ खाणे उपयुक्त ठरेल. रक्तामधील शर्करेच्या प्रमाणामध्ये संतुलन राखण्यासाठी उपयोगी असलेले पदार्थ :
ब्रोकली (Broccoli)
पालक (Spinach)
शेंगा (Beans)
अक्रोड (Walnuts)
क्विनोआ (Quinoa) आदिंचा यात समावेश आहे.
उच्च रक्तातील साखर असलेल्या रुग्णांसाठी नाश्ता न करणे धोकादायक ठरू शकते. मर्यादित प्रमाणात सेवन करणे हानिकारक नाही. नाश्त्यामध्ये फायबरची कमतरता – फायबरयुक्त पदार्थ नाश्त्यामध्ये टाळू नयेत. फायबरयुक्त पदार्थ रक्तातील साखरेची पातळी नियंत्रणात ठेवतात. म्हणूनच नाश्त्यामध्ये फायबरयुक्त पदार्थांचा समावेश करू शकता. याने आरोग्यासाठी इतरही अनेक फायदे होतात.
गर्भवती स्त्रीच्या दृष्टीने रक्तातील साखरेचे प्रमाण अतिशय मोलाचे आहे. ते कसे योग्य प्रमाणात राखावे याची माहिती यामध्ये घेऊया. रक्तातील साखरेची पातळी योग्य प्रमाणात राहाण्यासाठी योग्य आहारपध्दती अतिशय महत्वाची आहे. योग्य आहारपध्दतीमुळे रक्तातील साखरेची पातळी योग्य प्रमाणात राहाते. गर्भवती स्त्री व बाळाच्या शरीराला योग्य प्रमाणात पोषण मिळते. आहाराबरोबर योग्य व्यायामाचीही गरज असते. गर्भारपणात योग्य व सुरक्षित व्यायाम करण्यासाठी फिटनेस एक्सपर्टशी चर्चा करणे गरजेचे आहे.
Health Tips Breakfast Blood Sugar Control
