ओवा वाढवतो रोगप्रतिकारशक्ती; असे आहेत त्याचे फायदे

विशेष प्रतिनिधी, पुणे

कोरोनामुळे सर्वांचे रोगप्रतिकारशक्तीकडे लक्ष वेधले गेले. शारीरिक तंदुरुस्ती व निरोगी शरीराला अधिक महत्त्व प्राप्त झाले. आता रोगप्रतिकारशक्ती वाढविण्यासाठी लोक वेगवेगळ्या शकली लढवत आहेत. पण आपल्या किचनमध्येच ओव्याच्या रुपात निरोगी जीवनाची चावी आहे, हे तुम्हाला माहिती होते का? आज आपण अजवाइन म्हणजेच ओव्याचे गुणधर्म जाणून घेऊ या.

आपण ओव्याचे छोटे रोपटेही घरात लावू शकतो. आयुर्वेदाचार्य डॉ. आर. राव सांगतात की प्रतिकारशक्तीला नवीन उर्जा देणारा ओवा खाण्यासोबतच वाफ घेण्यातही शरीराला फायदा पोहोचवतो. कोणत्याही स्वरुपात ओव्याचे सेवन करणे शरीरासाठी चांगलेच आहे. कोमट पाण्यासोबत चावून खाल्ला तरीही चालतो आणि पाण्यासोबत उकळून घेत पिऊन टाकला तरीही चालतो.

अॅसिडिटीच्या समस्येतून मुक्ती मिळवायची असेल तर ओव्याचे नियमित सेवन करायला हवे. ओव्याला कॅरम सीडही म्हटले जाते. यात थिम्बोल नावाचे रसायन असते, जे पचनक्रियेला सुरळित करते. ओवा हा अत्यंत शक्तीशाली असा अँटी अॉक्सीडंट आहे ज्यात व्हिटामिन ए, सी-1, कॉपर, आयरन, मॅन्गेशियम, फायबर, पोटॅशियम मोठ्या प्रमाणात आहे. सर्दी, खोकला, ताप, श्वसनाचे आजार, पोटाचे विकार, फुप्फुसावीर इन्फेक्शन घालविण्यासाठी ओव्याचा उपयोग होतो.

असे करा सेवन

ओव्याला उकळत्या पाण्यात टाकून त्याची वाफ घेतल्यास सर्दी, खोकल्यापासून मुक्ती मिळते. ओवा आणि सहदला गरम पाण्यात उकळून चहाच्या रुपात पिल्यास फुप्फुसाला फायदा होतो. आल्याच्या रसासोबत सेवन केल्यास यातील अँटी मायक्रोबियल भूक वाढविते.