मुंबई (इंडिया दर्पण वृत्तसेवा) – सणासुदीच्या काळात गृहकर्जाचे व्याजदर कमी करण्याऐवजी एचडीएफसीने गृहकर्जाचे दर वाढविण्याचा करण्याचा निर्णय घेतला आहे. भारतीय रिझर्व्ह बँकेने रेपो दरात वाढ केल्यानंतर आता विविध बँकांनी कर्जावरील व्याजात वाढ केली आहे. त्यामुळे ग्राहकांवर ईएमआयचा आर्थिक बोजा वाढला आहे. आता बँकेकडून कर्ज घेणाऱ्या ग्राहकांना पूर्वीपेक्षा जास्त ईएमआय भरावा लागणार आहे. खासगी क्षेत्रातील सर्वात मोठी बँक हाउसिंग डेव्हलपमेंट अँड फायनान्स कॉर्पोरेशनचे गृहकर्ज पुन्हा एकदा महाग झाले आहे. रिझर्व्ह बँकेने रेपो दरात वाढ केल्यानंतर एचडीएफसीने व्याजदरात वाढ करण्याचा निर्णय घेतला आहे.
एचडीएफसी मधील नवीन गृहकर्जाचा व्याज दर कर्जाची रक्कम किंवा रोजगार श्रेणीचा विचार न करता, सर्व नवीन कर्ज अर्जांसाठी लागू होईल. तथापि, कर्जदार त्याच्या सर्वोत्तम दरासाठी कर्जदाराच्या क्रेडिट प्रोफाइलचे मूल्यांकन करेल. “घरं आज पूर्वीपेक्षा खूपच महाग झाली आहेत. तसेच गेल्या 3 महिन्यांत HDFC ने 6 वेळा व्याजदर वाढवले आहेत आणि नुकतेच HDFC ने रेपो रेट वाढवण्यापूर्वी व्याजदर वाढवले होते. त्यानंतर आता पुन्हा एचडीएफसीने व्याजदर वाढीचा निर्णय घेतल्याने ग्राहकांच्या खिश्यावर अतिरिक्त बोजा पडला आहे.
ईएमआयमध्ये वाढ झाल्याने ग्राहक हवालदिल झाला आहे. शेअर बाजाराला HDFC ने व्याजदर वाढीविषयी माहिती दिली. त्यानुसार, HDFC ने गृहकर्जाचा रिटेल प्राइम लेंडिंग रेट (RPLR) 0.25 टक्क्यांनी वाढवला आहे. हे नवे दर 9 ऑगस्टपासून म्हणजेच आजपासून लागू झाले आहेत. रिझर्व्ह बँक ऑफ इंडियाने रेपो दरात वाढ केल्यानंतर हा निर्णय घेण्यात आल्याचे एचडीएफसीकडून निवेदनात म्हटले आहे. एचडीएफसीने 1 ऑगस्ट रोजी व्याजदरातही वाढ केली होती. HDFC ने मे पासून गृहकर्जाच्या व्याजदरात 6 वेळा वाढ केली आहे. मे महिन्यापासून व्याजदरात 1.40 टक्के वाढ केली आहे. RBIने मे महिन्यापासून रेपो रेटमध्ये 1.40 टक्क्यांनी वाढ केली आहे.
कर्जदारांना आकर्षित करण्यासाठी जेव्हा रहिवाशांची मोठ्या प्रमाणात मागणी वाढते बाजारात स्थावर मालमत्ताचे दर वाढतात, गृह कर्जाच्या व्याजदरातील कपात दीर्घकाळ मंदीपासून बाहेर पडण्याचा प्रयत्न करणाऱ्या क्षेत्रासाठी खूप फायदेशीर ठरेल. या सणासुदीच्या काळात ग्राहक गरजेकडे पाहत असल्याने घर घेण्याची इच्छा आधीच वाढत आहे. त्यामुळे सणांच्या हंगामाच्या सुरुवातीला, ग्राहकांना सर्वोत्तम गृहकर्जाचे व्याज दर देण्यासाठी वित्तीय संस्थांमध्ये तीव्र स्पर्धा आहे.
एचडीएफसीने एक दिवस आधी कर्ज दराच्या किरकोळ खर्चातही वाढ केली होती. 8 ऑगस्ट रोजी, बँकेने माहिती दिली की MCLR दर सर्व कालावधीसाठी 5-10 बेसिस पॉइंट्सने वाढवण्यात येत आहेत. महागाई नियंत्रणात आणण्यासाठी केंद्रीय बँकेने उपाय योजना करत असली तरी व्याजदर वाढल्याने ग्राहकांवर महागाईचा नाहक बोजा पडत आहे. त्याप्रमाणे एचडीएफसीच्या संकेतस्थळानुसार, गृहकर्जाचा प्रारंभिक दर पूर्वी 7.70 टक्के होता, जो आता 7.95 टक्के झाला आहे. म्हणजेच आता एचडीएफसीकडून घेतलेले गृहकर्ज पूर्वीपेक्षा महाग होणार असून ग्राहकांना ईएमआयसाठी जादा रक्कम मोजावी लागणार आहे.
रिझर्व्ह बँक ऑफ इंडियाच्या (RBI) मुद्रिक नीती समितीच्या आपत्कालीन बैठकीत 5 ऑगस्ट रोजी रेपो दरात वाढ करण्याचा निर्णय घेतला. त्यामुळे रेपो रेट 4.90 टक्क्यांहून 5.40 टक्के झाला.केंद्रीय बँकेने रेपो दरात (Repo Rate) चार महिन्यांत 1.40 टक्क्यांची वाढ केली आहे. रेपो दरात 0.50 टक्क्यांच्या वाढीचा निर्णय घेण्यात आला. यामुळे महागाई (Inflation) भडकण्याची शक्यता आहे. आता नागरिकांचे गृहकर्ज(Home Loan) , वाहन कर्ज (Vehicle Loan) , वैयक्तिक कर्जावरील (Personal Loan) ईएमआय (EMI) वाढणार आहेत. त्यामुळे बँकेच्या कर्जदारांना आर्थिक फटका बसणार आहे.
HDFC Bank Loan Interest Rate Again Hike
Banking Finance Home Loan EMI
