पतीसह तिन्ही मुलांना संपवले… पत्नीने असे घडवले हत्याकांड…

इंडिया दर्पण ऑनलाईन डेस्क – कोणताही पुरुष किंवा स्त्री हे खून तथा हत्या करण्यास का प्रवृत्त होतात? याचा संपूर्ण शोध अद्याप मानसशास्त्रज्ञांनाही लावता आला नाही, असे म्हटले जाते. परंतु ही एक प्रकारे विकृतीच असते. काही वेळी अनोळखी किंवा दुसऱ्याच व्यक्तीच्या खून होतो, परंतु रक्तानात्याच्या माणसांचा खून किंवा हत्या करणे ही गोष्ट भयानकच म्हणावी लागेल. सैतान वृत्ती जागी झाली की, अशा घटना घडतात हरियाणामध्ये देखील अशाच प्रकारे घटना घडली. एका महिलेने चक्क आपल्या पतीचा खून केला. त्यावर तिचे समाधान झाले नाही तर तिने पतीचा मृतदेहाला फाशी दिली त्यानंतर आपल्या तीन मुलांना विष पाजून ठार मारले आणि ती तिने पलायन केले. आपल्या प्रियकराच्या मदतीने तिने हे दुष्कृत्य केल्याचे समजते.

मृतदेह फासावर लटकवला
नूह जिल्ह्यातील रोझकामेव गावामध्ये जीतन (वय ३३) व मीना (वय ३०) हे दाम्पत्य आपल्या १२, १० आणि ७ वर्षांच्या तीन मुलांसह राहत होते. परंतु या पती-पत्नीमध्ये नेहमीच भांडण होत असे जतीन हा मीनावर संशय घेत असे मीनाचे काहीतरी बाहेर संबंध आहे, असे त्याला वाटत असल्याने त्यांचे नेहमी वाद होत असत. त्यातूनच मीनाने जतीन याचा काटा काढण्याचे ठरविले आणि मीना असे असे काही गोष्ट केली की या गुन्ह्याने सर्वांनाच हादरवून सोडले. या महिलेने तिच्या पतीची हत्या करून त्याचा मृतदेह फासावर लटकावला. मात्र ती एवढ्यावरच तिचे समाधान झाले नाही, तर तिने तिच्या पोटच्या गोळ्यांना म्हणजे स्वत:च्या मुलांनाही संपवले. त्यानंतर ती महिला तेथून फरार झाली. मध्यरात्रीच्या सुमारास ही धक्कादायक घटना घडली. मात्र दुसऱ्या दिवशी सकाळी कुटुंबियांना कळताच एकच गदारोळ माजला. त्यानंतर पोलिसानी या प्रकरणी तपास सुरू केला आहे. या घटनेमुळे सर्वत्र खळबळ उडाली असून आता त्याची जोरदार चर्चा सुरू आहे

असे घडवले हत्याकांड
पोलिसांनी दिलेल्या माहितीनुसार जतीनचे आई वडील सकाळी ते उठले तेव्हा त्यांचा मुलगा फासावर लटकलेल्या अवस्थेत आढळून आला. तर जतीनची दोन्ही मुले आणि एक मुलगी जमिनीवर बेशुद्ध पडले होते. चौघांनीही विष प्राशन केले असल्याची भीती नातेवाइकांनी व्यक्त केली. मात्र मीना फरार झाली आहे. त्यामुळे तिनेच पतीला फासावर लटकविले किंवा गोळ्या घातल्या तसेच मुलांना विष पाजले असावे, अशी चर्चा सुरू झाली. जीतन याला मीनाच्या चारित्र्यावर संशय होता. त्यावरून दोघांमध्ये अनेकदा वादही झाले होते. अनेकदा मीना ही दोन चार दिवस गायब व्हायची. जीतनने तिच्या माहेरीदेखील या घटनेची तक्रार केली होती. असे असूनही मीना वागण्यात काही फरक पडला नाही. सध्या चारही मृतदेह ताब्यात घेऊन पोस्टमॉर्टमसाठी पाठवण्यात आले आहेत. आरोपी महिलेचा शोध घेण्यासाठी पोलिसांचे पथक तैनात करण्यात आले आहे. याप्रकरणी फिर्यादीवरून गुन्हा दाखल करण्यात आला आहे.

Haryana Crime Wife Killed Husband three Childrens
Murder Love Affair Poison Kids