इंडिया दर्पण ऑनलाईन डेस्क – तसे तर महिलांच्या भांडणाचे काही मुद्दे अगदीच क्षुल्लक असतात. पण या महिला लोकप्रतिनिधी असतील तर त्याची चर्चा होतच असले. क्रिकेटपटू रविंद्र जडेजा याची बायको खासदार रिवाबा जडेजा हिला अशाच एका विषयावरून राग आला आणि त्या भांडणाचा व्हिडियो देखील सोशल मिडियावर व्हायरल झाला.
शहिदांना श्रद्धांजली देताना खासदार पुनम माडम यांनी चप्पल घातलेली होती. जेव्हा रिवाबा श्रद्धांजली वाहण्यासाठी गेल्या तेव्हा त्यांनी चप्पल काढली. यानंतर खासदार माडम यांनी रिवाबा यांनी दिखाऊपणासाठी चप्पल काढल्याची शेरेबाजी केली. पंतप्रधान आणि राष्ट्रपतीही अशा कार्यक्रमांमध्ये चपला काढत नाहीत. मात्र, ज्यांना काहीच कळत नाही असे लोक अतिहुशार बनून चपला काढतात, अशी कॉमेंट खासदार पुनम माडम यांनी रिवाबा यांच्यावर केली. त्यावेळी तिथे भाजपाचे पदाधिकारी महापौर बिना कोठारी असे सगळे होते. त्यामुळे हा आपल्यासाठी आत्मसन्मानाचा प्रश्न होता, असे रिवाबा यांनी म्हटले आहे. रिवाबा जडेजा, भाजपा खासदार पुनम माडम आणि महापौर बीना कोठारी यांच्यात या विषयावरून कडाक्याचं भांडण झालं. त्यानंतर या भांडणाचा व्हिडीओ सोशल मीडियावर जोरदार व्हायरल झाला. या व्हिडीओत लायकीत राहा असं म्हणत शाब्दिक बाचाबाची झाली.
आत्मसन्मानाचा मुद्दा
मी तेथे चपला काढून शहिदांना आदरांजली वाहिली. अशावेळी खासदार माडम यांनी मला चपला काढण्यावरून बोलणे मला पटले नाही. त्यामुळे आत्मसन्मानाचा मुद्दा असल्याने मी त्यांना बोलले की, त्यांनी या कार्यक्रमात माझ्याबाबत जे वक्तव्य केलं ते योग्य नाही, असे रिवाबा जडेजा म्हणाल्या.
Gujrat Politics BJP MP MLA Mayor Video Viral Rivaba Jadeja
Dispute Public Program
