…तरीही गुजरातमध्ये आपची चमकदार कामगिरी; पक्षाला असा होणार फायदा

इंडिया दर्पण ऑनलाईन डेस्क – गुजरात विधानसभा निवडणुकीत चित्र स्पष्ट झाले आहे. भाजप विक्रमी बहुमताने सरकार स्थापन करत आहे. काँग्रेस पूर्णपणे कमकुवत झाली आहे. पाच जागांवर आघाडी घेत आम आदमी पक्षाने निवडणूक निकालांसोबतच राष्ट्रीय पक्षाचा टॅगही मिळण्याचे संकेत दिले आहेत. राजकीय पंडित या निकालांना अरविंद केजरीवाल यांच्यासाठी निराशाजनक म्हणत असतील, पण त्यांच्या हसण्यामागे अनेक कारणे आहेत. त्यातील प्रमुख तीन कारणे आपण जाणून घेऊ..

२०१७ पेक्षा चांगली कामगिरी
आम आदमी पक्ष स्वतःला भाजप आणि काँग्रेसचा पर्याय म्हणून दाखवत आहे. देशभरात काँग्रेसची जागा घेण्याचा प्रयत्न सुरू आहे. २०१७मध्ये, आम आदमी पक्षाने गुजरातमध्ये पहिल्यांदा २९ जागा लढवल्या आणि सर्वच्या सर्व ठिकाणी डिपॉझिट जप्त झाले. पक्षाने एकूण २९,५०९ मते किंवा ०.१० टक्के मते मिळवली. ही नोटापेक्षाही कमी होती. यावेळची पक्षाची कामगिरी अनेक अर्थांनी गेल्या वेळेपेक्षा सरस आहे.

पाच जागांवर विजयाच्या दिशेने
आम आदमी पक्ष काँग्रेसला दोन नंबरचा पक्ष बनवण्याचा धक्का देऊ शकला नसला तरी भविष्यात काँग्रेसच्या अडचणी वाढणार असल्याचे संकेत दिले आहेत. पक्षाने मतांच्या टक्केवारीत १२% ची झेप घेतली आहे. प्रत्येक अर्थाने केजरीवाल आणि आपच्या वाटचालीत ही बाब महत्त्वाची आहे. पक्ष ३३ जागांवर दुसऱ्या आणि जवळपास ७० जागांवर तिसऱ्या क्रमांकावर होता. तो एक पर्याय म्हणून सादर करतो.

आप हा राष्ट्रीय पक्ष बनला
भाजपला पर्याय बनण्याची आकांक्षा बाळगून, आपने गुजरात निवडणूक लढवली. आणि सर्व १८२ विधानसभा जागांवर उमेदवार उभे केले. दिल्ली आणि पंजाबमध्ये आपची सरकारे आहेत. त्याच वेळी, गोव्यात राज्य पक्ष म्हणूनही नोंदणीकृत आहे. गुजरातमध्ये राज्य पक्षाचा दर्जा मिळविण्यासाठी त्यांना सहा टक्के मते आणि दोन जागांची आवश्यकता होती. हा पराक्रम त्यांनी अगदी सहजच केला आहे. चार राज्यांतील राज्य पक्षाला राष्ट्रीय पक्षाचा दर्जा मिळतो. दिल्लीचे उपमुख्यमंत्री मनीष सिसोदिया यांनी यापूर्वीच जाहीर केले आहे की, ‘गुजरातच्या जनतेच्या मतांमुळे आम आदमी पार्टी आज राष्ट्रीय पक्ष बनत आहे. शिक्षण आणि आरोग्याचे राजकारण राष्ट्रीय राजकारणात प्रथमच ठसा उमटवत आहे. त्याबद्दल संपूर्ण देशाचे अभिनंदन, असे त्यांनी म्हटले आहे.

गुजरात की जनता के वोट से आम आदमी पार्टी आज राष्ट्रीय पार्टी बन रही है.

शिक्षा और स्वास्थ्य की राजनीति पहली बार राष्ट्रीय राजनीति में पहचान बना रही है.

इसके लिए पूरे देश को बधाई.

— Manish Sisodia (@msisodia) December 8, 2022

Gujrat Election Aam Admi Party Success Politics