आज आहे १३ एप्रिल २०२१. आज आहे गुढीपाडवा. आजचा हा दिवस मराठी नववर्षारंभाचा आहे. चौत्र सुद्ध प्रतिपदेला हा सण साजरा केला जातो. मराठी शालिवाहन संवत्सराचा पहिला दिवस असतो. आजपासून शालिवाहन शके १९४३ला प्रारंभ होत आहे. साडेतीन शुभ मुहुर्तांपैकी एक अशी गुढीपाडव्याची ओळख आहे. या दिवशी घराबाहेर गुढी उभारली जाते आणि नववर्षानिमित्त शोभायात्रा काढल्या जातात. गुढीपाडव्याचा दिवस हा अत्यंत शुभ समजला जातो. त्यामुळेच या दिवशी खरेदी करण्याला प्राधान्य दिले जाते.
आजच्या पाडव्याचा असा आहे शुभमुहुर्त
सूर्योदय – सकाळी ६ वाजून २४ मिनिटांनी
सूर्यास्त – सायंकाळी ६ वाजून ५४ मिनिटांनी
गुढी का उभारतात
आजच्याच दिवशी प्रभू श्रीराम हे श्रीलंकेतून अयोध्येत परतले होते. यानिमित्ताने संपूर्ण अयोध्यावासियांनी घराबाहेर गुढी उभारुन श्रीरामांचे स्वागत केले तसेच आनंदोत्सव साजरा केला. गुढी हे चैतन्याचे, आनंदाचे आणि उत्सवाचे प्रतिक आहे. बांबूच्या काठीवर उभारली जाणारी ही गुढी भारतीय आणि मराठी संस्कृतीचे अत्यंत चैतन्यमयी ओळख आहे.
