येथे आहेत सरकारी नोकरीच्या शेकडो संधी; वेळ न दवडता अर्ज करा

पुणे – सध्याच्या काळात कोरोनामुळे लॉकडॉऊन नंतर अनेक उद्योग, व्यवसाय संकटात असून अनेकांच्या नोकऱ्या गेल्या आहेत. तसेच नव्याने पदवीधर झालेल्या तरुणांना देखील नोकरी मिळण्याची शक्यता नाही. परंतु शासनाच्या अनेक खात्यात युवकांना नोकरीची चांगली संधी आहे. प्रत्येक व्यक्ती सरकारी विभागात नोकरीच्या शोधात असतो. सरकारी नोकरी मिळवण्यासाठी फक्त मेहनत, चिकाटी आणि योग्य संधी आवश्यक आहे. सध्या ऊर्जा मंत्रालयाअंतर्गत पॉवर ग्रिड कॉर्पोरेशन ऑफ इंडिया लिमिटेड, सरकारी मालकीची कंपनी विविध क्षेत्रांमध्ये एकूण 1,110 प्रशिक्षणार्थींची भरती करणार आहे. तसेच युनियन बँकेमध्ये देखील नोकरीची संधी आहे.

पॉवर ग्रिड कॉर्पोरेशन ऑफ इंडिया
पीजीसीआयएल अप्रेंटिस या सरकारी नोकरीसाठी अर्ज करण्यासाठी उमेदवाराचे किमान वय 18 वर्षे असावे. अधिक तपशीलांसाठी उमेदवार या थेट लिंकवर जाऊ शकतात. यासाठी उमेदवारांनी प्रथम https://portal.mhrdnats.gov.in किंवा https://apprenticeshipindia.org या वेबसाइटवर नोंदणी करावी आणि नावनोंदणी क्रमांक मिळवून प्रोफाइल पूर्ण करावे. त्यानंतर पॉवरग्रिडमध्ये अप्रेंटिससाठी अर्ज करावा. पॉवर ग्रिड कॉर्पोरेशन ऑफ इंडिया लिमिटेड, ऊर्जा मंत्रालयाच्या अंतर्गत सरकारी मालकीची कंपनी म्हणजेच पीजीसीआयएल विविध क्षेत्रांमध्ये एकूण 1,110 प्रशिक्षणार्थींची भरती करीत आहे आणि सिव्हिल डिप्लोमा, पदवीधर सिव्हिल, इलेक्ट्रिकल आयटीआय, इलेक्ट्रिकल डिप्लोमा, इलेक्ट्रिकल आणि इलेक्ट्रॉनिक्स/दूरसंचार अभियांत्रिकी, कॉम्प्यूटर सायन्स ग्रॅज्युएट इत्यादींचा समावेश आहे. यासाठी अर्ज करण्याची अंतिम तारीख 20 ऑगस्ट 2021 निश्चित करण्यात आली आहे.

युनियन बँक
युनियन बँक ऑफ इंडिया ( UBI ) मध्ये विविध पदांसाठी अर्जदारांची निवड केली जाईल. यात सीनियर मॅनेजर (रिस्क), असिस्टंट मॅनेजर (टेक्निकल ऑफिसर), असिस्टंट मॅनेजर (फॉरेक्स), मॅनेजर (रिस्क), मॅनेजर (सिव्हिल इंजिनिअर), मॅनेजर (आर्किटेक्ट) यासह 347 पदांसाठी अर्जदारांची ऑनलाईन चाचणी आणि मुलाखतीच्या आधारे निवड केली जाईल. युनियन बँक ऑफ इंडिया (UBI) ने अधिकृत वेबसाइटवर विशेषज्ञ अधिकारी पदांच्या भरतीसाठी अर्ज प्रक्रिया सुरू झाली आहे. उमेदवार 3 सप्टेंबर 2021 पर्यंत Unionbankofindia.co.in वर बँकेच्या अधिकृत वेबसाइटला भेट देऊन अर्ज करू शकतात. दुसरीकडे, ऑनलाइन लेखी परीक्षा 9 ऑक्टोबर रोजी घेतली जाऊ शकते. या परीक्षेत मिळालेल्या गुणांच्या आधारे उमेदवारांची निवड केली जाईल. प्राथमिक परीक्षेत पात्र ठरतील त्यांना मुख्य परीक्षेसाठी बोलावले जाईल. अधिक तपशीलांसाठी उमेदवार या थेट लिंकवर क्लिक करू शकतात.

उत्तराखंड लोकसेवा आयोग
उत्तराखंड लोकसेवा आयोगाने (यूकेपीएससी) अधिकृत वेबसाइटवर अधिसूचना जारी केली असून उत्तराखंड संयुक्त राज्य नागरी आणि उच्च अधीनस्थ सेवा परीक्षा -2021 द्वारे 224 पदांच्या भरतीसाठी अर्ज मागविले गेले आहेत. निवड प्रक्रियेद्वारे पोलिस पदवी आणि वित्त अधिकारी यासह अनेक पदांसाठी अर्जदारांची नियुक्ती केली जाईल. अर्ज करण्याची प्रक्रिया सुरू झाली आहे. उमेदवार 30 ऑगस्ट 2021 पर्यंत www.ukpsc.gov.in च्या अधिकृत वेबसाइटला भेट देऊन अर्ज करू शकतात. या सरकारी नोकऱ्या मध्ये विविध पदांवर अर्जदारांची भरती केली जाईल. यात उपशिक्षणाधिकारी, कर्मचारी अधिकारी – 31 पदे, ब्लॉक विकास अधिकारी – 28 पदे, फलोत्पादन विकास अधिकारी – 20 पदे, बालविकास प्रकल्प अधिकारी – 19, वित्त अधिकारी (वित्त विभाग) – 18 पदे, सहाय्यक संचालक, उद्योग व व्यवस्थापक – 17 पदे आदी पदांचा समावेश आहे. या रिक्त पदांसाठी अर्ज करण्यासाठी उमेदवाराने कोणत्याही मान्यताप्राप्त विद्यापीठातून पदवीधर असणे आवश्यक आहे. तर अर्जदारांचे किमान वय 21 वर्षे आणि कमाल वय 42 वर्षे असावे.