विशेष प्रतिनिधी, मुंबई
सध्याच्या परिस्थितीकडे पाहता प्रत्येकजण सरकारी नोकरीच्या शोधात आहे. जर थोडी मेहनत आणि कष्ट घेतली तर सरकारी नोकरी सहज मिळू शकेल. तसेच सरकारी नोकरीची सुवर्ण संधी कोठे, केव्हा आणि कधी आहे याची माहिती जाणून घेऊ या …
ग्रामीण डाक सेवक
इंडिया पोस्टने अधिकृत संकेतस्थळावर एक अधिसूचना जारी केली असून ग्रामीण डाक सेवक (जीडीएस), शाखा पोस्ट मास्टर (बीपीएम) आणि सहाय्यक शाखा पोस्टमास्टर (एबीपीएम) ६८६७ पदांसाठी अर्ज मागविण्यात आले आहेत. बिहार आणि महाराष्ट्र पोस्टल सर्कलमधील विविध पदांसाठी अर्जदारांची नेमणूक केली जाईल. इच्छुक उमेदवार अधिकृत वेबसाइट अ‍ॅपोस्ट.इन.वर किंवा अ‍ॅपोस्ट.इन किंवा जीडीएसऑनलाईनवर जाऊन ऑनलाईन अर्ज करू शकतात. विशेष म्हणजे दहावी पास उमेदवार या पदांसाठी अर्ज करू शकतात.
फूड सेफ्टी अँड स्टँडर्ड्स अथॉरिटी ऑफ इंडिया
फूड सेफ्टी अँड स्टँडर्ड्स अथॉरिटी ऑफ इंडियाने (एफएसएसएएआय) विविध पदांवर भरतीसाठी अर्ज मागविले आहेत. अर्ज करण्याची प्रक्रिया सुरू झाली आहे. इच्छुक उमेदवार एफएसएसएसआय https://fssai.gov.in/ च्या अधिकृत वेबसाइटवर १५ मे पर्यंत ऑनलाईन अर्ज करू शकतात. अर्ज केल्यानंतर उमेदवारांना अर्जाची प्रत एफएसएसएएआयच्या पत्त्यावर पाठवावी लागेल. प्राचार्य व्यवस्थापक, सहसंचालक, वरिष्ठ व्यवस्थापक, उपसंचालक या पदांसाठी निवडलेल्या अर्जदारांची भरती होईल.
डेडिकेटेड फ्रेट कॉरिडोर कॉर्पोरेशन ऑफ इंडिया लिमिटेड
डीएफसीसीआयएल यांनी भारत सरकारच्या (रेल्वे मंत्रालय) उपक्रमात अधिकृत संकेतस्थळावर १०७४ पदांवर भरतीसाठी अर्ज मागविणारी अधिसूचना जारी केली आहे. निवड प्रक्रियेद्वारे कार्यकारी, कनिष्ठ कार्यकारी आणि कनिष्ठ व्यवस्थापक या पदांसाठी अर्जदारांची नेमणूक केली जाईल. २४ एप्रिलपासून अर्जाची प्रक्रिया सुरू झाली आहे. इच्छुक उमेदवार डीएफसीसीआयएल https://dfccil.com/ च्या अधिकृत संकेतस्थळावर जाऊन ऑनलाईन अर्ज करू शकतात.
सब इन्स्पेक्टर
उत्तर प्रदेश पोलिस भरती व पदोन्नती मंडळाने (यूपीपीआरपीबी) सहाय्यक उपनिरीक्षक (लिपिक), सहायक पोलिस उपनिरीक्षक (लेखा) आणि पोलिस उपनिरीक्षक (गोपनीय) यांच्या १२९२ पदांसाठी अर्ज मागविले आहेत. अधिकृत वेबसाइटवर जारी केलेल्या अधिसूचनेनुसार अर्ज करण्याची प्रक्रिया १ मे पासून सुरू झाली आहे. इच्छुक उमेदवार uppbpb.gov.in या अधिकृत वेबसाइटवर जाऊन या पदांसाठी अर्ज करू शकतात.
