नवी दिल्ली – तुमच्या ज्वेलर्सवर तुम्हाला पूर्ण विश्वास आहे का ? अनेक वर्षांपासून सोने विक्री करणारा ज्वेलर्स योग्य किमतीत सोन्याची दागिने देतो का ? याचे उत्तर हो असेल तर तुम्ही सुदैवी आहात. परंतु लाखो लोक तुमच्यासारखे सुदैवी नसतात. दागिने खरेदी करताना त्यांची फसवणूक होतेच. ज्वेलर्स १८ कॅरेट सोन्याने बनविलेले दागिने ते २२ कॅरेटच्या सोन्याने बनविलेल्या दागिन्याच्या किमतीत विक्री करतात. वरून मजुरीचा बक्कळ खर्चही कमावतात. गळ्यातील आभूषणांमध्ये हिरे, मोती अशा नगांचे पैसे ते सोन्याच्या दरानेच घेतात. परंतु असे सगळेच ज्वेलर्स करत नाहीत.
उदाहरणार्थ, सराफा बाजारात आज २२ कॅरेट सोन्याच्या दागिन्याची किंमत ४५६७ रुपये आहे. १८ कॅरेट सोन्याच्या दागिन्याची किंमत ३७८२ रुपये आहे. त्यावर मजुरी आणि जीएसटी खर्च लावलेला नाहीय. दागिन्याची किंमत = एक ग्रॅम सोन्याची किंमत गुणिले सोन्याच्या दागिन्याचे वजन + प्रतिग्रॅम मजुरीचा खर्च + जीएसटीच्या आधारावरून काढली जाते. सोन्याचे दागिने खरेदी केल्यावर त्याची किंमत आणि मजुरीच्या खर्चावर ३ टक्के वस्तू आणि सेवा कर (जीएसटी) लावला जातो.
सोन्याची शुद्धता
कधी कधी आपण हिरेजडीत आभूषणे खरेदी करतो. काही अप्रामाणिक ज्वेलर्स पूर्ण नगाचे वजन करतात त्याला सोन्याच्या किमतीत जोडतात. म्हणजेच सोन्याच्या किमतीनेच ते दर लावतात. दागिन्यांची पुन्हा विक्री करताना सामान्य रुपात नगाचे वजन आणि अशुद्धतेची एकूण किंमत घटविली जाते. सोन्याची शुद्धता आणि सोन्याची ज्वेलरी वेगवेगळ्या कॅरेटमध्ये येते.
