सुयश सोनवणे, इंडिया दर्पण वृत्तसेवा
नाशिक जिल्ह्यातील सटाणा शहरातील एका पाणीपुरी विक्रेत्या तरुणाने गिरणा नदीपात्रात उडी मारल्याची घटना आज पहाटेच्या सुमारास घडली. मोहित प्रजापती असे त्याचे नाव असून सटाणा शहरातील पिंपळेश्वर भगात तो आपल्या कुटुंबासोबत राहत होता. दरम्यान पोलिसांना याची माहिती मिळताच त्यांनी गिरणा नदी पात्रा जवळ त्याचा शोध घेतला. स्थानिक बचाव पथक बरोबरच, नाशिकच्या चांदोरी येथून आपत्ती व्यवस्थापनच्या बचाव पथकाला बोलविण्यात आले. त्यांनीही त्याचा शोध घेण्याचा प्रयत्न केला. मात्र सध्या गिरणा नदी दुथडी भरून वाहत असल्याने प्रयत्न करूनही त्याचा शोध लागू शकला नाही.
