गिरणा धरणातून विसर्ग वाढवला; दोन दरवाजे दोन तर चार दरवाजे एक फुटाने उघडण्यात आले

अजय सोनवणे, इंडिया दर्पण वृत्तसेवा
नाशिक जिल्ह्यातील सर्वात मोठे धरण म्हणून ओळखल्या जाणाऱ्या गिरणा धरणातून सकाळी पाण्याचा विसर्ग वाढविण्यात आला आहे. धरणाचे १ व ६ क्रमांकाचे दरवाजे २ फुटाने तर ४ दरवाजे १ फुटाने उघडण्यात आले आहे. त्यातून सध्या ९५०४ क्यूसेक्स पाण्याचा विसर्ग नदी पत्रात होत आहे. धरणात होणारी पाण्याची आवक पाहता विसर्ग कमी जास्त करण्यात येणार आहे. त्यामुळे नदी काठच्या नागरिकांनी सतर्क राहण्याचे आवाहन करण्यात आले आहे.