सिद्धी दाभाडे, इंडिया दर्पण वृत्तसेवा
अभिनेत्री दीपिका पदुकोणचा हिचा ‘गहराइयां’ हा चित्रपट लवकरच OTT प्लॅटफॉर्मवर प्रदर्शित होणार आहे. या चित्रपटाचा ट्रेलर नुकताच प्रदर्शित झाला आहे. या ट्रेलरमध्ये दिसत आहे की, दीपिकाचे चित्रपटात अनेक बोल्ड सिन आहेत. त्यामुळे याबाबत चर्चा सुरू झाली आहे. आता यासंदर्भात दीपिकाचा पती रणवीर सिंहने त्याची प्रतिक्रीया दिली आहे.
या चित्रपटात दीपिकासोबत सिद्धांत चतुर्वेदी, अनन्या पांडे आणि धैर्य करवा यांच्या महत्वाच्या भूमिका आहेत. दीपिकाच्या या चित्रपटाची चाहते खूप दिवसांपासून वाट पाहत होते. ‘मला येण्यास थोडा वेळ लागला’, असे लिहित दीपिकाने एक पोस्ट शेअर केली होती. ट्रेलर रिलीज होताच त्यावर अनेक बॉलिवूड कलाकारांनी प्रतिक्रिया दिल्या आहेत. ट्रेलरवर कमेंट करणाऱ्या कलाकारांमध्ये आलिया भट्ट, झोया अख्तर, चंकी पांडे आणि शनाया कपूर यांचा समावेश आहे.
https://www.instagram.com/p/CY9hmEbhV0x/?utm_source=ig_web_copy_link
‘’गहराइयां’ हा रिलेशनशिप ड्रामा चित्रपट आहे. हे आजच्या नातेसंबंधांच्या अडचणी दर्शवल्या आहेत. चित्रपटात सिद्धांत चतुर्वेदी आणि दीपिका पदुकोण यांच्यात अनेक बोल्ड सीन्स आहेत. रणवीर सिंगने त्याच्या सोशल मीडिया पेजवर या चित्रपटातील दीपिकाचे पोस्टर शेअर केले आहे. त्यात तो म्हणतो की, ‘मूडी, सेक्सी आणि इंटेन्स. डोमेस्टिक नॉयर? मला साइन अप करा. माझे सर्व आवडते, शकुन बत्रा, अनन्या पांडे, सिद्धांत चतुर्वेदी, धैर्य करवा, नसीर द लिजेंड.’ या चित्रपटाच्या पोस्टरवर सुद्धा अनेक कलाकारांनी कमेंट केले होते. ‘गेहरियां’ चे दिग्दर्शन शकुन बत्रा यांनी केले आहे. चित्रपटात नसरुद्दीन शाह आणि रजत कपूर यांच्याही महत्त्वाच्या भूमिका आहेत. हा चित्रपट येत्या 11 फेब्रुवारीला Amazon Prime Video वर प्रदर्शित केला जाणार आहे.
