नाशिक (इंडिया दर्पण वृत्तसेवा) – गंगापूररोडवर आज दुपारी झालेल्या रस्ते अपघातात दोन तरुण ठार झाले आहेत. हा अपघात गंगापूररोडवरील हॉटेल गंमत जंमत परिसरात झाला. भरधाव वेगातील मोटारसायक जोरात दुभाजकावर आदळल्याने हा अपघात झाला. अपघातील दोघे मृत झालेले तरुण हे कॉलेजरोडवरील गोखले एज्युकेशन सोसायटीच्या फार्मसी काॅलेजचे विद्यार्थी होते. संकेत विजय ठाकरे (वय २१, चेतना नगर) आणि यशराज अनिल पगार (वय २०, मखमलाबाद) असे मृत तरुणांचे नाव आहे. या अपघातात दोन्ही तरुणांच्या डोक्याला जबर मार लागला. रस्त्यावरुन जाणाऱ्या एका व्यक्तीने त्यांना हॉस्पिटलमध्ये दाखल केले. मात्र, डॉक्टरांनी त्यांना मृत घोषित केले.
