इंडिया दर्पण ऑनलाईन डेस्क – पश्चिम बंगालमधील हुगळी जिल्ह्यातील श्रीरामपूरच्या गंगा घाटावर एक वेगळेच दृश्य पाहायला मिळाले. प्रत्यक्षदर्शींनी दोन दगडांवर जय श्री राम लिहिल्याचा दावा केला आहे. विशेष म्हणजे अनिकेत झा आणि मनोज सिंह यांनी सांगितले की, आम्ही हातात घेऊन पाहिल्यावर या दोन दगडांचे अंदाजे वजन 6 किलो ते 7 किलो आहे.
त्याचप्रमाणे हे काळ्या रंगाचे दगड नदीत तरंगताना दिसले. त्यांना पाहण्यासाठी श्रीरामपूरच्या गंगा घाटावर स्थानिकांची गर्दी झाली होती. यानंतर नागरिकांनी हा दगड गंगेत टाकला. स्थानिक रहिवासी अन्नपूर्णा दास यांनी सांगितले की, त्यांनी रामायण काळात भगवान श्रीरामांनी दगडांनी पूल बांधल्याबद्दल ऐकले होते, पण आज त्यांनी असा दगड प्रत्यक्षात पाहिला, जो पाण्यात उतरताना दिसत होता.
याबाबत शास्त्रीय माहिती देताना पश्चिम बंगाल विज्ञान मंचचे ज्येष्ठ सदस्य चंदन देवनाथ म्हणाले की, दगडाची घनता पाण्याच्या घनतेपेक्षा जास्त असेल तर तो दगड पाण्यात तरंगताना दिसतो. याशिवाय कोणत्याही पूजेच्या वेळी थर्माकोलवर काळ्या सिमेंटचा लेप लावून अशी एखादी वस्तू नदीत वाहून नेल्यास त्या वस्तूच्या आतील पोकळीमुळे ती नक्कीच नदीत तरंगते. तथाकथित दगड पाहिल्याशिवाय आणि त्याची तपासणी केल्याशिवाय पाण्यात तरंगण्याबाबत नेमकेपणाने काहीही सांगता येणार नाही. मात्र श्रीरामपूरच्या गंगा घाटावर या तरंगणाऱ्या दगडांना पाहण्यासाठी स्थानिकांची एकाच झुंबड उडाली आहे.
Ganga River Floating Stone Scientist says
