हे दिग्गज क्रिकेटपटूही हॉटेल, रेस्टॉरंटच्या प्रेमात; बघा, कुणाचे कोणते आणि कुठे आहे हॉटेल?

मुकुंद बाविस्कर, इंडिया दर्पण वृत्तसेवा
एखाद्याची आवडही दुसऱ्याचा व्यवसाय ठरतो, तर दुसऱ्याचा व्यवसाय हा तिसऱ्याची आवड ठरते, असे म्हटले जाते. क्रिकेट खेळाडूंची आवडही कालांतराने त्यांचा व्यवसाय बनतो, मग यामध्ये पैसा मिळू लागल्यावर त्या पैशातून ते आपले आगळेवेगळे छंद तथा आवड जोपासतात, कुणी एखादा क्लब सुरू करतो, तर कोणी एखादे हॉटेल अँड रेस्टॉरंट सुरु करतो.
क्रिकेटपटू सहसा मैदानावरील त्यांच्या चमकदार कामगिरीने चाहत्यांची मने जिंकतात. विराट कोहली, कपिल देव आणि झहीर खान सारखे खेळाडू जगभरात खूप लोकप्रिय आहेत. मात्र आपण क्षणभर क्रिकेट बाजूला ठेवले तर, खेळाडूंना काही गोष्टींची खूप इच्छा किंवा आवड असते, ती म्हणजे पारंपारिक अन्न होय. कारण त्यांना अनेकदा फिटनेसच्या निर्बंधांमुळे त्यांचे आवडते अन्न सोडावे लागते.
मात्र ते एका उत्तम ठिकाणी उत्तम भोजन देऊन त्यांच्या चाहत्यांना खूश करू शकतात. एखाद्याच्या हृदयाकडे जाण्याचा मार्ग त्याच्या पोटातून जातो हे खेळाडूंना चांगलेच ठाऊक असते. कदाचित त्यामुळेच काही क्रिकेटपटूंनी स्वतःचे रेस्टॉरंट उघडून या वेगळ्या क्षेत्रात पाऊल ठेवले आहे. चला अशा काही क्रिकेटपटूंबद्दल जाणून घेऊ या, ज्यांच्याकडे काही उत्तम रेस्टॉरंट आहेत…

सचिन तेंडुलकर – तेंडुलकर्स वर्ल्ड
सचिन तेंडुलकरच्या रेस्टॉरंटचे नाव Tendulkar’s World आहे. तेंडुलकरच्या हॉटेल्समध्ये मास्टर ब्लास्टरच्या जगाचा अनुभव घ्या. रेस्टॉरंटमधील प्रत्येक क्रॉकरीवर सचिन तेंडुलकरची सही असते. रेस्टॉरंटमध्ये सचिनला आवडते असे जगभरातील सर्व पाककृती उपलब्ध आहेत. हे रेस्टॉरंट मुंबईच्या छत्रपती शिवाजी मार्गावर आहे.
विराट कोहली – नुएवा वन8 कम्युन
भारतीय क्रिकेट संघाचा माजी कर्णधार विराट कोहली हा देशातील सर्वाधिक फॉलोअर्स असलेला क्रीडा व्यक्तिमत्व आहे. त्यांनी नवी दिल्लीत नुएवा नावाचे एक आलिशान आणि उत्तम रेस्टॉरंट उघडले. कोहलीने 2017 मध्ये नुएवाचा मालक म्हणून आपल्या प्रवासाला सुरुवात केली. विराटची One8.Commune नावाची रेस्टॉरंट चेन आहे, त्याच्या दिल्ली, कोलकाता आणि पुणे येथे शाखा आहेत. विराट कोहली दिल्लीत असताना या रेस्टॉरंटला नियमित भेट देतो. या रेस्टॉरंटमध्ये दक्षिण अमेरिकन खाद्यपदार्थांव्यतिरिक्त स्पेन, इटली, पोर्तुगाल, फ्रान्स आणि जपान यांसारख्या देशांतील पदार्थही मिळतात.

महेला जयवर्धने व कुमार संगकारा – मिनिस्ट्री ऑफ क्रॅब्स
महेला जयवर्धने आणि कुमार संगकारा हे श्रीलंका क्रिकेट संघाचे कर्णधार राहिले आहेत. क्रिकेटच्या मैदानावर एकत्र खेळल्यानंतर त्यांनी एकत्र रेस्टॉरंट क्षेत्रातही पाऊल टाकले. या दोघांनी प्रसिद्ध शेफ दर्शन मुनिसे यांच्या भागीदारीत मिनिस्ट्री ऑफ क्रॅब्स हे रेस्टॉरंट संयुक्तपणे उघडले. त्यांचे रेस्टॉरंट केवळ सीफूडवर केंद्रित आहे. त्याने कोलंबोमध्ये आपले पहिले आउटलेट उघडले. यशाची चव चाखल्यानंतर, महेला जयवर्धने आणि कुमार संगकारा यांनी परदेशात त्यांच्या रेस्टॉरंट चेनचा विस्तार केला. त्यांची मुंबई, शांघाय आणि मनिला येथेही रेस्टॉरंट्स आहेत.
कपिल देव – इलेवन्स
माजी विश्वचषक विजेते भारतीय कर्णधार कपिल देव यांनी 2008 मध्ये क्रिकेटवरील प्रेम व्यक्त करण्यासाठी पाटणा येथे चाहत्यांसाठी क्रिकेट थीमवर आधारित रेस्टॉरंट सुरू केले. कपिल देव यांनी याला XI असे नाव दिले कारण एका क्रिकेट संघात 11 खेळाडू खेळतात. कपिल देव यांनी रेस्टॉरंटच्या सजावटीवर खूप मेहनत घेतली. रेस्टॉरंट क्रिकेट रसिकांसाठी एक आदर्श वातावरण तयार करते. जमिनीवर कृत्रिम गवत टाकले आहे. भिंतींवर विविध देशांचे ध्वज आहेत. सामान्यत: सामन्याच्या दिवसांमध्ये ते खचाखच भरलेले असते, कारण क्रिकेट चाहते स्टेडियमसारखे वातावरण देणाऱ्या ठिकाणी बसून सामने पाहणे पसंत करतात.

रवींद्र जडेजा – जड्डूस फूड फिल्ड
अष्टपैलू खेळाडू रवींद्र जडेजाने 2012 मध्ये राजकोटमध्ये पहिले रेस्टॉरंट उघडले. हे रेस्टॉरंट भारतीय ऑफस्पिनरसाठी भाग्यवान ठरले. ज्या दिवशी त्याच्या रेस्टॉरंटचे उद्घाटन झाले, त्याच दिवशी जडेजाची भारतीय कसोटी संघात निवड झाली (१२ डिसेंबर २०१२). एका मुलाखतीत त्यांनी ही गोष्ट सांगितली. जडेजाच्या रेस्टॉरंटचे नाव Jaddu’s Food Field आहे. एका मुलाखतीत त्याने 12 व्या क्रमांकावरील प्रेमाचे वर्णन करताना सांगितले की, वर्षाच्या 12व्या महिन्यात त्याचा जन्म झाला. त्याच्या जर्सीचा क्रमांक 12 आहे. त्याच तारखेला त्याला टीम इंडियाकडून पहिला कसोटी कॉल आला. राजकोटमधील जडेजाचे रेस्टॉरंट तिथे पर्यटकांना पारंपारिक भारतीय खाद्यपदार्थ मिळतात.
झहीर खान – डाइन फाइन
झहीर खान हा भारतीय क्रिकेटमधील सर्वोत्तम वेगवान गोलंदाजांपैकी एक आहे. तो त्याच्या उत्कृष्ट स्विंग गोलंदाजीसाठी ओळखला जात असे. त्यांनी पुण्यात झहीर खान्स डाइन फाइन नावाचे पहिले रेस्टॉरंट उघडले. त्याच्या क्रिकेट कारकिर्दीप्रमाणेच त्याने या उपक्रमातही मोठे यश संपादन केले. त्यांचे रेस्टॉरंट ग्राहकांसाठी आत आणि बाहेर जेवणाची सोय करते. येथे तुम्ही जेवणासोबत मित्रांसोबत तुमचा चांगला वेळ घालवू शकता. हे रेस्टॉरंट खूप महाग आहे, परंतु स्वादिष्ट पाककृतीच्या प्रेमींसाठी हे एक उत्तम ठिकाण आहे.