फेसबुक बदलणार आपले नाव, पण का?

व्यावसायिक पद्धतीमुळे फेसबुकला अमेरिकी सरकारकडून चौकशीचा सामना करावा लागत आहे. अमेरिकेतील दोन्ही प्रमुख पक्षाच्या खासदारांच्या वाढत्या रोषामुळे फेसबुकवर टीकास्त्र सोडण्यात आले होते. या पार्श्वभूमीवर कंपनीकडून नाव बदलण्याचा निर्णय घेण्यात आला आहे. दरम्यान, युरोपीय युनियनमध्ये दहा हजार नागरिकांना नोक-या देणार असल्याचे फेसबुकने नुकतेच जाहीर केले होते. कंपनीला metaverse बनविण्यासाठी ही भरती केली जाणार आहे.  metaverse हे नवे ऑनलाइन जग आहे. तिथे उपस्थित नागरिक शेअर्ड व्हर्च्युअल स्पेसमध्ये संवाद साधू शकतात. फेसबुकने virtual reality (VR) आणि augmented reality (AR) मध्ये मोठ्या प्रमाणात गुंतवणूक केली आहे. यामध्ये आपल्या तीन अब्ज युजर्सना अनेक डिव्हाइस आणि अॅप्सच्या माध्यमातून जोडण्याची फेसबुकची इच्छा आहे.