बागेश्री पारनेरकर आणि सिद्धी दाभाडे, इंडिया दर्पण वृत्तसेवा
छत्रपती शिवाजी महाराज म्हणजे एक अद्वितीय व्यक्तिमत्त्व. सगळीकडे शिवजयंती उत्साहात साजरी केली जाते. पण शिवाजी महाराज म्हंटल की डोळ्यासमोर येते ती शिवाजी महाराज आणि त्यांच्या मावळ्यांच्या पराक्रमाची यशोगाथा, लढाया, गड किल्ले, शिवनेरीवरील त्यांचे बालपण. यापलीकडे जाऊन शिवाजी महाराज आणि नाशिकच एक वेगळ नातं आहे. हे नातं लढाई पुरतं मर्यादित नसून छत्रपतींच्या बालपणाशी संबंधित आहे. छत्रपती शिवाजी महाराज हे लहानपणी नाशिकला येत असत आणि ते नाशिकच्या पाटील वाड्यात राहत असत. जुन्या नाशकातील काझीगढी वरील पाटील वाड्यात बालशिवाजी रहायचे. वडील शहाजीराजे आणि आई राजमाता जिजाऊ यांच्यासह त्यांचा काही काळ या वाड्यात वास्तव्य होते. हा पाटील वाडा नक्की कोणता आहे, आज त्याची सद्यस्थिती कशी आहे, तेथे कोण राहते, पाटील वाड्यातील सतराव्या पिढीतील सुनील कोठावळेंशी साधलेला संवाद आणि या वाड्याचा इतिहास पाहण्यासाठी खालील व्हिडिओ नक्की बघा
