नाशिक – EPFO (भविष्य निधी संघटन) भारत सरकारने कंपनी मालकांसाठी (भविष्य निधी नियोक्ता) आणि कंत्राटी कामगारांसाठी अनुपालन तपासण्यासाठी EPFO कडून मोठी प्रगती केल्याची माहिती नाशिकचे क्षेत्रीय भविष्य निधी आयुक्त अनिलकुमार प्रीतम यांनी दिली. ते म्हणाले की, कर्मचारी भविष्य निर्वाह निधी संघटना (EPFO) ने मुख्य नियोक्त्यांसाठी इलेक्ट्रॉनिक सुविधा सुरू केली आहे. ही सुविधा सुरू केल्यामुळे मुख्य नियोक्ते त्यांच्या कंत्राटदारांचे ईपीएफ अनुपालन पाहू शकतात. प्रिन्सिपल एम्प्लॉयर्ससाठी इलेक्ट्रॉनिक सुविधा सुरू करण्याबद्दल माहिती देताना ते म्हणाले की, EPFO ने त्यांच्या कंत्राटदारांचे EPF अनुपालन पाहण्यासाठी मुख्य नियोक्तांसाठी इलेक्ट्रॉनिक सुविधा सुरू केली आहे.
आता, EPFO नोंदणीकृत नियोक्ते जे कंत्राटदारांद्वारे कर्मचार्यांना सहभागी करून घेतात ते EPFO च्या युनिफाइड पोर्टलवर कंत्राटदार आणि कंत्राटी कर्मचार्यांचे तपशील जोडू शकतात. unifiedportal-emp.epfindia.gov.in/epfo/. दरम्यान, EPFO कडे नोंदणीकृत नसलेले प्रिन्सिपल एम्प्लॉयर (PE) त्यांचे कंत्राटदार आणि कंत्राटी कर्मचाऱ्यांचे तपशील जोडण्यासाठी लॉगिन/पासवर्ड प्राप्त करण्यासाठी युनिफाइड पोर्टलवर नोंदणी करू शकतात. तपशील जोडण्यासाठी, त्यांना पहिल्या लॉगिननंतर कायमस्वरूपी लॉगिन आयडी आणि पासवर्ड तयार करावा लागेल. जर ते पासवर्ड/लॉगिन आयडी विसरले तर ते त्यांच्या नोंदणीकृत मोबाईल नंबरवर एसएमएसद्वारे मिळवण्यासाठी ”विसरलेला पासवर्ड लिंक” वापरू शकतात. चुकीच्या पासवर्डच्या वारंवार वापरामुळे तुमचे खाते लॉक झाल्यास, अनलॉक खाते लिंक वापरा.
कंत्राटदाराचे तपशील जोडल्यावर, पीई त्यांच्या लॉगिनद्वारे कंत्राटदारांनी इलेक्ट्रॉनिक चलन कम रिटर्न (ECR) द्वारे कर्मचारीनिहाय पाठवलेले पैसे पाहू शकतात. तसेच प्रिन्सिपल एम्प्लॉयर आता खात्री करू शकतात की त्यांचे कंत्राटदार सर्व कंत्राटी कामगारांची नोंदणी करतात की नाही आणि ECR द्वारे EPF contribution (भविष्य निधी वर्गणी) भरतात की नाही. ही माहिती देतांना आयुक्त प्रीतम यांनी सर्व भविष्य निधी नियोक्त्यास (मालकास) आवाहन करतांना सांगितले की, सर्वांनी युनिफाइड पोर्टलवर कंत्राटदार आणि कंत्राटी कर्मचार्यांचे तपशीलची नोंदणी करून खात्री करावी.
