मुंबई (इंडिया दर्पण वृत्तसेवा) – चित्रपटांमधील कोणत्याही तरुण कलाकारांच्या खासगी आयुष्याबद्दल सर्वांनाच उत्सुकता असते, म्हणजे एखादा अभिनेता असो की अभिनेत्री यांचे लग्न कधी होणार? त्यांचे ब्रेकअप झाले का? वगैरे वगैरे प्रश्नांवर नेहमी चर्चा होत असते. मराठी चित्रपटातील प्रसिद्ध अभिनेत्री मुक्ता बर्वे हिने तिच्या आयुष्यातील काही महत्त्वाच्या बाबींव स्वतःच खुलासा केला आहे.
विविध भूमिका साकारून रसिकांच्या मनात घर केले आहे. विशेषता मुंबई-पुणे-मुंबई चित्रपट चांगलाच गाजला होता. अभिनेत्री मुक्ता ही वाय या चित्रपटात झळकली आहे. ‘वाय’ हा चित्रपट चित्रपटगृहात दाखल झाला आहे. मराठीतील पहिला हायपर लिंक चित्रपट हा एका महत्त्वाच्या विषयावर आधारित चित्रपट आहे. दरम्यान, मुक्ता बर्वे हिने तिच्या लग्नाबद्दल खुलासा केला आहे. कारण मुक्ता बर्वेला अनेकजण सतत लग्नाबद्दल विचारणा करत असतात.
मुक्ता म्हणाली की, मी अशा प्रश्नांकडे गांभीर्याने पाहत नाही. मला असे वाटते की, हा खूप वैयक्तिक निर्णय आहे. एखाद्या स्त्रीने लग्न करावे की नाही हा तिचा वैयक्तिक प्रश्न आहे. याविषयी कोणीही कोणाला विचारणे मला योग्य वाटत नाही. एखाद्या व्यक्तीला फक्त ती अभिनेत्री आहे म्हणून किंवा तुम्हाला माहित आहे म्हणून विचारणे बरोबर नाही. केवळ कलाकार आहोत म्हणून तुमच्या मर्यादा सोडून एखाद्या
व्यक्तीला असा खासगी प्रश्न विचारणे मला वाह्यात वाटते.
पण प्रत्येकाची शाळा घेणे काही शक्य नसते त्यामुळे मी सोडून देते त्याचा फार विचार करत नाही. असेही ती म्हणाली. मुक्ता बर्वे हिने अनेकदा लग्नाच्या बाबतीत हे स्पष्ट केले आहे की तिला लग्न ही गरज वाटत नाही. ती आता आनंदी आहे आणि याहून जास्त जर तिचे सुख आणि आनंद वाढणार असेल तरच ती लग्न करेल, असेही तिने स्पष्ट केले.
Entertainment Marathi Actress Mukta Brave on her wedding plan
