इंडिया दर्पण ऑनलाईन डेस्क
मुंबईः महाराष्ट्राचे मुख्यमंत्री एकनाथ शिंदे यांनी मुख्यमंत्रिपदाबाबत मोठे वक्तव्य केले आहे. महायुतीचे सरकार स्थापन झाल्यास मुख्यमंत्री कोण होणार? या प्रश्नाला उत्तर देताना ते म्हणाले, की मी मुख्यमंत्रिपदाच्या शर्यतीत नाही. पंतप्रधान नरेंद्र मोदी यांच्या ‘एक हैं तो सुरक्षित हैं’ या घोषणेचे त्यांनी समर्थन केले.
मुख्यमंत्री शिंदे म्हणाले, की ही घोषणा अगदी योग्य आहे. शिंदे यांनी अजित पवारांबाबतही मोठे वक्तव्य केले. ते म्हणाले, की, ते महायुतीतील कमकुवत दुवा ठरणार नाहीत. शिंदे यांनी राहुल गांधी यांना आव्हानही दिले. शिंदे यांनी राहुल गांधी यांना आव्हान दिले. राहुल यांना मोदी यांनी आव्हान दिले होते आणि त्यांनी बाळासाहेब ठाकरे यांना हिंदुहृदयसम्राट म्हणावे, असे म्हटले होते. शिंदे यांनीही याच गोष्टीचा पुनरुच्चार करत राहुल यांनी ठाकरे यांना हिंदुहृदयसम्राट म्हणत त्यांना दाखवावे, असे सांगितले. शिंदे म्हणाले, की आम्ही बाळासाहेब यांचे सैनिक आहोत. महायुतीतील मुख्यमंत्रिपदाच्या दाव्याबाबत शिंदे उघडपणे बोलले. शिंदे यांनीही ठाकरे यांच्यावर निशाणा साधला.
बाळासाहेब असते, तर त्यांनी उद्धव यांना जंगलात जाऊन वन्यजीव छायाचित्रण करायला सांगितले असते, असे ते म्हणाले. शिंदे म्हणाले, की उद्धव ठाकरे यांनी बाळासाहेबांच्या विचारांचा त्याग केला. शिवसेनेचे धनुष्यबाण काँग्रेसच्या गळ्यात बांधले गेले. ज्या काँग्रेसने बाळासाहेबांची बदनामी केली, त्यांनी त्यांच्याशी हातमिळवणी केली. शिंदे यांनी उद्धव ठाकरेंवर निशाणा साधला एकनाथ शिंदे म्हणाले, की उद्धव ठाकरे हे केवळ स्वार्थासाठी आणि मुख्यमंत्री होण्यासाठी काँग्रेसमध्ये दाखल झाले. आपल्याशिवाय सरकार स्थापन होणार नाही, असे ठाकरे यांना वाटत असल्याचे ते म्हणाले. उद्धव यांना भाजपच्या पाठीत वार करावा लागला.
शिंदे म्हणाले, की आम्ही सत्ताधारी पक्ष सोडून ५० लोकांना सोबत घेतले होते, हे धाडसाचे कृत्य आहे. आम्ही भाजपसोबत निवडणूक लढवली आणि जिंकलो, त्यामुळे त्यांना सोबत घेऊन सरकार बनवायला हवे, असे स्पष्टपणे सांगितले; पण तसे झाले नाही.
