मुंबई – राज्यातील आघाडी सरकारच्या अडचणींमध्ये दिवसेंदिवस वाढ होताना दिसून येत आहे, एकापाठोपाठ एक अशा अनेक मंत्र्यांच्या कथित गैरकारभारा बद्दल चौकशी प्रकरणे सुरू झाली आहेत. माजी गृहमंत्री अनिल देशमुख यांची चौकशी सुरू असतानाच आता राज्याचे परिवहन मंत्री आणि शिवसेना नेते अनिल परब यांना ईडीने पुन्हा समन्स बजावले आहे. त्यामुळे राजकीय क्षेत्रात खळबळ उडाली आहे.
अनिल परब यांना अंमलबजावणी संचालनालयाने (ईडी) नवीन समन्स जारी करताना दि. २८ सप्टेंबर रोजी चौकशीसाठी बोलावले आहे. अनिल परब यांना एजन्सीने जारी केलेले हे दुसरे समन्स आहे. याआधी परब यांना दि. ३१ ऑगस्ट रोजी बोलावले चौकशीला होते, परंतु त्यांनी लोकसेवक आणि महाराष्ट्राचे मंत्री म्हणून काही आवश्यक काम दाखवून काही वेळ मागितला होता.
मनी लाँडरिंग प्रकरणात बरखास्त सहाय्यक पोलीस निरीक्षक सचिन वाजे यांचे वक्तव्य नोंदवल्यानंतर अनिल परब महाराष्ट्राच्या गृह विभागात बदली झालेल्या पोस्टिंगशी संबंधित प्रकरणात ईडीच्या निशाण्याखाली आले होते. वाजे यांनी आपल्या निवेदनात ईडीच्या अधिकाऱ्यांना सांगितले की, अनिल परब आणि अनिल देशमुख या दोघांनी १० पोलीस उपायुक्तांची (डीसीपी) बदली थांबवण्यासाठी २० कोटी रुपये घेतले होते, ज्यांच्या बदलीचे आदेश तत्कालीन मुंबई पोलीस आयुक्त परमबीर यांनी दिले होते.
वाजे यांनी आरोप केला होता की, डीसीपीकडून बदलीच्या आदेशात ४० कोटी रुपये गोळा करण्यात आले होते, त्यापैकी २० कोटी रुपये परब आणि देशमुख यांना मिळाले होते. वाजे यांनी पुढे दावा केला की, अनिल देशमुख यांच्यासाठी त्यांचे वैयक्तिक सचिव आणि ईडीने अटक केलेले आरोपी संजीव पलांडे यांना मिळाले.
दुसरीकडे मंत्री अनिल परब यांना हे पैसे प्रादेशिक परिवहन अधिकारी बजरंग खरमाटे यांच्या मार्फत प्राप्त झाले होते. तसेच सचिन वाजे यांनी पुढे आरोप केला की संजीव पलांडे यांनी अनिल देशमुख यांची बदली ‘पोस्टिंग कर्तव्ये ‘ हाताळली, तर बजरंग खरमाटे यांनी अनिल परब यांच्या ‘बदली पोस्टिंग ‘ कर्तव्ये हाताळली.
