नवी दिल्ली (इंडिया दर्पण वृत्तसेवा) – अंमलबजावणी संचालनालयाने मोठी कारवाई केली आहे. केरळस्थित आघाडीच्या NBFC मणप्पुरम फायनान्स लिमिटेडचे व्यवस्थापकीय संचालक आणि सीईओ व्ही पी नंदकुमार यांची १४३ कोटी रुपयांची मालमत्ता जप्त केली आहे. मनी लॉन्ड्रिंगला आळा घालण्यासाठी ही कारवाई करण्यात आली आहे.
बुधवारी सुरू करण्यात आलेल्या शोधांमध्ये थ्रिसूरमधील एकूण सहा परिसर समाविष्ट आहेत. जेथे कंपनीचे मुख्यालय आहे. एजन्सीने एका निवेदनात म्हटले आहे की हे प्रकरण मनी लाँड्रिंग आणि लोकांकडून “बेकायदेशीर” पद्धतीने ठेवी गोळा करण्याच्या आरोपांशी संबंधित आहे.
ईडीने सांगितले की, झडती दरम्यान, असे आढळून आले की व्ही पी नंदकुमार यांनी गुन्ह्यातून मिळालेली रक्कम त्यांच्या स्वत:च्या नावावर, पत्नी आणि मुलांची मालमत्ता, स्थावर आणि मणप्पुरम फायनान्स लिमिटेडच्या शेअर्समध्ये गुंतवली होती.
ईडीने मनी लाँडरिंग प्रतिबंधक कायद्याअंतर्गत (पीएमएलए) व्ही पी नंदकुमार यांची एकूण १४३ कोटी रुपयांची मालमत्ता जप्त केली आहे. एजन्सीने सांगितले की संलग्न मालमत्तेत आठ बँक खात्यांमध्ये ठेवलेल्या ठेवी, सूचीबद्ध शेअर्समधील गुंतवणूक आणि मणप्पुरम फायनान्स लिमिटेडचे शेअर्स यांचा समावेश आहे.
https://twitter.com/dir_ed/status/1654125425306791939?s=20
ED Seized 143 Crore Property Seized Manappuram Finance MD
