नवी दिल्ली (इंडिया दर्पण वृत्तसेवा) – अंमलबजावणी संचालनालयाने (ED) पेमेंट गेटवे आणि १०० फिनटेकच्या बँक खात्यांवर तत्काळ प्रभावाने बंदी घातली आहे. या फिनटेकद्वारे परदेशातून मनी लाँड्रिंग झाल्याचा संशय असल्याने ईडीने फेमा अंतर्गत स्थगिती दिली आहे. पेबुक, प्रोपेल्ड, प्रोगकॅप, क्रेडीली, पॉकेल्टी आणि क्रेझीबी ही फिनटेक ज्यांच्या बँक खात्यांवर बंदी घालण्यात आली आहे.
ईडीने ज्यांना समन्स पाठवले आहे त्यापैकी एकाने नाव न सांगण्याच्या अटीवर सांगितले की, ईडीने ५० प्रश्न पाठवले आहेत. यावरुन असे दिसते की या कंपन्यांमध्ये चीनची भागीदारी किंवा चीनचे कनेक्शन आहे का हे ईडीला जाणून घ्यायचे आहे. कंपनीच्या आणखी एका प्रमुखाने सांगितले की त्यांचे कार्य क्षेत्र मानवी संसाधनांमध्ये आहे आणि कर्जाच्या व्यवसायाशी त्याचा काहीही संबंध नाही. बँक खात्यावर बंदी घातल्याने कर्मचाऱ्यांना पगार देणे कठीण होईल, असे त्यांचे म्हणणे आहे.
