मुंबई (इंडिया दर्पण वृत्तसेवा) – राष्ट्रवादी काँग्रेसचे नेते व राष्ट्रीय अध्यक्ष शरद पवार यांच्या प्रमुख उपस्थितीत आणि प्रदेशाध्यक्ष व जयंत पाटील यांच्या हस्ते माजी मंत्री राजेंद्र शिंगणे यांनी जाहीर पक्षप्रवेश केला. यावेळी शरद पवार यांनी राजेंद्र शिंगणे यांचे राष्ट्रवादी परिवारात सहर्ष स्वागत करत पुढील सामाजिक व राजकीय वाटचालीसाठी शुभेच्छा दिल्या.
यावेळी राज्याचे माजी उपमुख्यमंत्री विजयसिंह मोहिते- पाटील व माजी मंत्री हर्षवर्धन पाटील यांच्यासह पक्षाच्या संसदीय मंडळाचे सदस्य हे देखील उपस्थित होते.
यावेळी त्यांना सांगितले की, मधल्या काळात मी वर्षभर अजित पवार गटाबरोबर होता. पण, वेळोवेळी सांगितले की, जिल्हा बँकेच्या अडचणीमुळे मी गेलो होता. सरकारकडून मदत मला मिळाली नसती तर बँक वाचवणं अवघड झाला असतं.
एकीकडे शिंगणे यांचा पवार गटात प्रवेश झाला असला तरी त्यांची पुतणी गायत्री शिंगणे नाराज झाली आहे. त्यांनी राजेंद्र शिंगणेच्या विरोधात निवडणूक लढवणार असल्याची माहिती दिली.
