इंडिया दर्पण ऑनलाईन डेस्क
भारताच्या उदारमतवादी धोरणाचे जनक असलेले देशाचे माजी पंतप्रधान डॅा. मनमोहन सिंह यांचे वयाच्या ९२ व्या वर्षी गुरुवारी रात्री निधन झाले. श्वसनाचा त्रास होत असल्याने त्यांना दिल्लीच्या एम्स रुग्णालयात दाखल करण्यात आले होते. उपाचारा दरम्यानच त्यांनी अखेरचा श्वास घेतली. त्यांच्या निधनानंतर जगभर हळहळ व्यक्त केली जात आहे.
२००४ झाली डॅा. मनमोहन सिंह पहिल्यांदा पंतप्रधान बनले. त्यानंतर २००८ साली अमेरिकेतील मंदीमुळे जगभरात मंदी निर्माण झाली. पण, मनमोहन सिंहाच्या धोरणांमुळे भारताला त्याचा कोणताही फटका बसला नाही. त्यानंतर ते २००९ साली ते दुस-यांदा पंतप्रधान बनले.
अशी होती कारकिर्द
पाकिस्तानमधील गाह या गावी १९४७ साली डॅा. मनमोह सिंह यांचा जन्म झाला. १९४७ साली फाळणीदरम्यान विस्थापित होऊन सिंह कुटुंब भारतात आले. त्यानंतर पंजाब विद्यापीठातून त्यांनी पदवीपर्यंत शिक्षण घेतले. त्यानंतर त्यांनी ऑक्सफर्ड विदयापीठातून अर्थशास्त्रात डॅाक्टरेट पदवी घेतली. शिक्षणानंतर त्यांनी १९६६ ते १९६९ या काळात त्यांनी संयुक्त राष्ट्रात काम केले. १९७२ के ७६ काळात भारत सरकारचे मुख्य आर्थिक सल्लागार म्हणून त्यांनी काम केले. १९८२ ते ८५ या काळात रिझर्व्ह बँकेचे गव्हर्नर म्हणून काम केले. त्यानंतर १९८५ ते ८७ काळात त्यांनी नियोजन आयोगाचे उपाध्यक्ष म्हणून काम केले. त्यानंतर तत्कालीन पंतप्रधान नरसिंह राव यांनी मनमोहन सिंह यांना अर्थमंत्री केले. त्यानंतर १९९६ साली ते राज्यसभेचे विरोधी पक्षनेते होते. त्यानंतर ते पंतप्रधान झाले.
