मुंबई (इंडिया दर्पण वृत्तसेवा) – मुख्यमंत्री देवेंद्र फडणवीस यांनी आज मनसे अध्यक्ष राज ठाकरे यांच्या घरी भेट दिली. यावेळेस या दोन्ही नेत्यांमध्ये जवळपास सव्वा तास चर्चा झाली. त्यामुळे राजकीय चर्चांना उधाण आले आहे.
आज सकाळी मुख्यमंत्री राज ठाकरे यांच्या मुंबईतीत निवासस्थानी गेले. यावेळी राज ठाकरे यांनी त्यांचे स्वागत केले. त्यानंतर दोघांमध्ये सव्वा सात चर्चा झाली. या भेटीत भाजपच्या कोट्यातून राज्यपालनियुक्त आमदाराची मनसेला ऑफर दिल्याची माहिती सूत्रांनी दिली आहे. त्यामुळे मनसेचे युवा नेते अमित ठाकरे हे विधानपरिषदेचे आमदार होऊ शकतात. आगामी स्थानिक स्वराज्य संस्थाच्या निवडणुकांमध्ये भाजप मनसेची साथ घेणार असल्याची माहिती समोर आली आहे.
माहीम विधानसभा मतदार संघात अमित ठाकरे यांचा पराभव झाला होता. या मतदार संघात महायुतीने शिवसेना शिंदे गटाचे उमेदवार सदा सरवणकर यांनी उमेदवारी दिली होती. तर महाविकास आघाडीने ठाकरे गटाचे महेश सावंत यांना उमेदवारी दिली होती. यात महेश सावंत यांचा विजय झाला होता.
