दिंडोरी – तालुक्यातील महाजे बहिणीच्या लग्नाच्या पत्रिका वाटण्यासाठी गेलेल्या दोघा भावाच्या दुचाकीला ट्रकने धडक दिल्याने दोघांचा जागीची मृत्यू झाला. दिंडोरी तालुक्यातील महाजे येथे राहणारे हे दोन्ही तरुण होते. रात्रीच्या सुमारास चाचडगाव शिवारात गोळशी फाटाच्या दिशेने जात असताना चाचडगाव जवळ हा अपघात झाला. या ठिकाणी ट्रकने धडक दिली त्यात सोमनाथ वसंत भोये (३२), जगन पोपट भोये (२६) या दोन्ही भावाचा जागीच मृत्यू झाला. या घटनेचे वृत्त येताच दिंडोरी तालुक्यातील महाजे गोळशी ननाशी या परिसरामध्ये शोककळा पसरली आहे. अपघात प्रकरणी दिंडोरी पोलीस स्टेशन येथे गुन्हा दाखल करण्यात आला असून पुढील तपास दिंडोरी पोलिस स्टेशनचे पोलिस निरीक्षक प्रमोद वाघ यांच्या मार्गदर्शनाखाली पोलिस उपनिरीक्षक अमोल पवार करत आहे.
