दिंडोरी (इंडिया दर्पण वृत्तसेवा) – दिंडोरी तालुक्यातील वनारवाडी येथे बिबट्याच्या हल्ल्यात एका १७ वर्षीय तरुणाचा मृत्यू झाला आहे. विठ्ठल भीमा पोतदार असे या तरुणाचे नाव आहे. तो गायी चारण्यासाठी खंडेराव डोंगराकडे गेला होता. तो घरी परत असतांना बिबट्याने हा प्राणघातक हल्ला केला.
गुरुवारी सहाच्या सुमारास ही घटना घडली. या आधी बिबट्याने कुत्रे व जनावरांवर हल्ला केला होता. त्यानंतर हा हल्ला करुन तरुणाचा जीव घेतला. या घटनेमुळे गावात हळहळ व्यक्त करण्यात येत आहे.
या घटनेची माहिती मिळाल्यानंतर वनविभागाचे अधिकारी अशोक काळे हे घटनास्थळी पोहचले. त्यानंतर त्यांनी पाहणी केली. यावेळी त्यांनी बिबट्याच्या हल्ल्यातून मृत्यू झाल्याचे सांगितले. त्यानंतर मृतदेह शवविच्छेदनासाठी दिंडोरी ग्रामीण रुग्णालयात पाठवण्यात आला.
