आगळी वेगळी प्रथा : या देशात घराच्या भिंतींवर लावतात पत्नीचे छायाचित्र

मुंबई – जगातील  अनेक देशांमध्ये वेगवेगळ्या प्रथा आणि परंपरा असतात. त्या बघून किंवा ऐकून आपल्याला आश्चर्य वाटते. ब्रुनेई हा देखील असाच एक देश आहे, तेथील मनोरंजक गोष्टी आपल्याला आश्चर्यचकित करतात. कारण येथे घराच्या भिंतींवर पत्नीचे छायाचित्र लावण्याची प्रथा येथे आहे. काही घरात तर एकापेक्षा जास्त बायकाची छायाचित्रे देखील दिसतात. याशिवाय देशाचा प्रमुख राजा तथा सुलतान याचे चित्रही भिंतीवर दिसते.

पूर्व आणि दक्षिण आशिया मधील इंडोनेशियात जवळच असलेल्या ब्रुनेई या देशात आजही राजशाही चालू आहे, अर्थात येथे राजाचा कारभार चालतो. तसेच ब्रुनेई हा मुस्लिम बहुल देश आहे. परंतु आश्चर्याची गोष्ट म्हणजे आजही या देशातील महिलांना मतदानाचा अधिकार नाही. या देशाच्या राजधानीचे नाव ब्रुनेई टाउन असून या देशातील सर्वात मोठे शहर आहे.  जगातील इतर अनेक देशांप्रमाणे हा देश देखील इंग्रजांचा गुलाम झालेला होता. मात्र 1 जानेवारी 1984 रोजी या देशाला स्वातंत्र्य मिळाले.

      विशेष म्हणजे या देशात घराच्या भिंतींवर पत्नीचे छायाचित्र लावण्याची प्रथा येथे आहे. याशिवाय राजा तथा सुलतान याचे चित्रही भिंतीवर दिसते. ब्रुनेईचा सुलतान, हसनल बोलकिय्या हा जगातील सर्वात श्रीमंत राज्यांपैकी एक मानला जातो. सन 2008 मध्ये प्रसिद्ध झालेल्या अहवालानुसार त्यांची संपत्ती सुमारे 1363 अब्ज रुपये असल्याचे म्हटले होते. तसेच त्याला वाहनांची खूप आवड असून त्याच्याकडे सुमारे 7000 कार आहेत. हसनल बोल्कीया याची एक कार सोन्याने सजलली आहे.  सुलतानचा महाल जगातील सर्वात मोठा निवासी राजवाडा मानला जातो कारण तेथे 1700 पेक्षा अधिक खोल्या आहेत.

       या देशामध्ये सार्वजनिक ठिकाणी मद्यपान करण्यास मनाई आहे.  एवढेच नाही तर इथले लोक रस्त्यावर फिरताना खाणे-पिणे चुकीचे मानतात. सर्वात महत्वाची बाब म्हणजे इथल्या लोकांना फास्ट फूड जास्त  आवडत नाही. त्यामुळे मॅकडोनल्ड्स सारखी रेस्टॉरंट्स देखील येथे क्वचितच पाहिली जातात. या देशात घरे असण्यापेक्षा इथे लोकांकडे जास्त मोटारी आहेत.  येथे अधिक मोटारी असण्याचे कारण म्हणजे येथे तेलाचे दर खूपच कमी आहेत आणि त्याच वेळी लोकांना नगण्य वाहतूक कर भरावा लागतो.