धुळे (इंडिया दर्पण वृत्तसेवा) – नाशिक मध्ये एकाच कुटुंबातील तीन जणांनी आत्महत्या केल्याच्या धक्कादायक घटनेला एक दिवस उलटत नाही तोच धुळे शहरातील एका कुटुंबातील दोन मुलांसह पती -पत्नीने आत्महत्या केल्याची घटना समोर आली आहे. धुळे येथील समर्थ कॅालनी भागातील ही घटना घडली आहे. मुलाच्या अॅडमिशनसाठी मुंबईता जात असल्याचे शेजारच्यांना गिरासे यांनी सांगितले. पण, त्यानंतर त्यांनी आत्महत्या केल्याचे समोर आल्यामुळे सर्वांना धक्का बसला. प्रवीण मानसिंग गिरासे, गीता प्रवीण गिरासे, मितेश प्रवीण गिरासे, सोहम प्रवीण गिरासे असे मृतांची नावे आहे. या आत्महत्या मागील कारण अद्याप अस्पष्ट आहे. धुळे पोलिस या प्रकऱणाचा तपास करत आहेत.
नाशिकमध्ये एकाच घरात तीन जणांनी आत्महत्या
नाशिकमध्ये एकाच घरात तीन जणांनी आत्महत्या केल्याची धक्कादायक घटना समोर आली आहे. इंदिरानगर भागात वडाळा पाथर्डी रोडवरील सराफ नगर येथे ही आत्महत्या केली.आई, वडील आणि मुलगी अशा तीन जणांनी आत्महत्या केली. विजय माणिकराव सहाणे (वय ४०) त्यांची पत्नी ज्ञानेश्वरी विजय सहाने (वय ३६) आणि मुलगी अनन्या विजय सहाने असे आत्महत्या केलेल्या तिघांची नावे आहे. सहाणे हे कंपनीत काम करत असल्याची माहिती मिळाली आहे.या घटनेची माहिती शेजारी राहणाऱ्या नागरिकांच्या लक्षात आल्यानंतर त्यांनी पोलिसांना कळविले. त्यानंतर पोलिस घटनास्थळी दाखल झाले.
