इंडिया दर्पण ऑनलाईन डेस्क – झी मराठी वाहिनीवरील ‘देवमाणूस’ ही मालिका भलतीच गाजली होती. या मालिकेतील पात्रांनी प्रेक्षकांच्या मनात स्वतःची वेगळी अशी जागा निर्माण केली. ‘देवमाणूस’ म्हणजे डॉ. अजितकुमार देव हा तसा कुप्रसिद्ध. ही भूमिका करणाऱ्या किरण गायकवाड याला प्रेक्षकांचे भरपूर प्रेम मिळाले. त्यामुळे या मालिकेचे दोन भाग दाखवण्यात आले. या मालिकेने नुकताच प्रेक्षकांचा निरोप घेतला आहे. अनेक महिलांना फसवणारा डॉ. अजितकुमार देव आता पुन्हा प्रेमात पडला आहे.
दचकू नका, ‘देवमाणूस’ म्हणजेच किरण गायकवाड प्रेमात पडला आहे. त्यामुळे किरण चर्चेत आला. मात्र याची ‘ती’ कोण असा प्रश्न सर्वांना पडला आहे. किरण गायकवाडने यापूर्वी ‘लागीर झालं जी’ या मालिकेत भैय्यासाहेब ही भूमिका साकारली होती. त्याच्या या भूमिकेलाही प्रेक्षकांचे प्रचंड प्रेम मिळाले होते. या मालिकेतील किरणची सहकलाकार पूर्वा शिंदे हिच्यासोबत त्याने नुकताच एक व्हिडीओ सोशल मीडियावर शेअर केला आहे.
‘लागीर झालं जी’ मालिकेत दोघेही नवरा बायकोच्या भूमिकेत होते. सध्या त्यांच्या या रोमॅन्टिक व्हिडिओची जोरदार चर्चा सुरू आहे. पूर्वा सध्या कलर्स मराठीवरील ‘जीव माझा गुंतला’ मालिकेत भूमिका करत आहे. आता देवमाणूस खरंच प्रेमात पडल्याने त्यांच्या चाहत्यांकडून शुभेच्छा दिल्या जात आहेत.
Devmanus Fame Kiran Gaikwad Fall in Love Video
