देवळाली कॅम्प – येथील देवळाली रोटरी क्लबच्या अध्यक्षपदी प्रथमच एका महिला सदस्याची निवड करण्यात आली असून नंदिनी कारिया यांच्या रूपाने क्लबला पहिली महिला अध्यक्ष मिळाली असल्याचे प्रतिपादन प्रमुख अतिथी म्हणून उपस्थित असलेल्या स्त्रीरोग तज्ज्ञ डॉ.क्षमा आहेर यांनी केले.
देवळाली रोटरी क्लबचा ७० वा पदग्रहण सोहळा रेस्ट कॅम्प रोडवरील लेस्ली सोहनी सेंटर येथे पार पडला. या पदग्रहण सोहळ्यास प्रमुख अतिथी म्हणून सुप्रसिद्ध स्त्री रोग तज्ज्ञ डॉ. क्षमा अघोर या बोलत होत्या. याप्रसंगी व्यासपीठावर डॉ.क्षमा अघोर,मावळते अध्यक्ष मुरली राघव, मावळते सचिव डॉ अनिल कानडे,नवनिर्वाचित अध्यक्षा नंदिनी कारिया, सचिव सेवा निवृत्त कर्नल रॉनी वानिया आदी उपस्थित होते. यावेळी अध्यक्षपदाची व सचिव पदाची सूत्रे एकमेकांकडे सूपूर्द करण्यात आली.यावेळी भाषणातून डॉ.अघोर यांनी कोरोना काळात डॉक्टरांनी केलेले सेवाकार्य मानवतेच्या दृष्टीकोनातून निश्चितच वाखाणण्याजोगे असल्याचे त्यांनी सांगितले. सुत्रसंचालन डॉ. अरुण स्वादी तर आभार सेनि.ब्रिगेडियर अनिल गर्ग यांनी मानले.
नवनिर्वाचित कार्यकारणी
उपाध्यक्ष – डॉ.प्रवीण जाधव,सचिव- कर्नल रॉनी वानिया, सहसचिव- भारती कुलकर्णी, खजिनदार – जय सुंदरामन, सार्जंट ऑफ आर्म-से.नि.कर्नल विनोद सहानी,क्लब संचालक :- महाराज बिरमानी, डॉ.अरुण स्वादी, से.नि.कर्नल विनोद मलिक, सेनि. ब्रिगेडियर अनिल गर्ग, अनंत अथनी,विजय शेट्टी, से.नि.कर्नल अशोक शिरगावकर, प्रा.सुनीता आडके, हितेश कारिया, संध्या सुंदरामन, डॉ.सौफिया शेख आदी.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
