नाशिक – स्वच्छता सर्वेक्षणात देवळाली कॅन्टोन्मेंट बोर्डाने देशभरातील ६४ कॅन्टोन्मेंट बोर्डात ४ थे तर राज्यात प्रथम स्थान पटकावले आहे. या सर्वेक्षणात देवळाली कॅन्टोन्मेंट बोर्डाने ३१८५ गुण मिळावीत हे स्थान पटकावले आहे. गेल्या दोन वर्षात सर्वेक्षणात ५२ व ३९ व्या स्थानावर झालेली घसरण भरून काढण्यासाठी देवळालीते गेल्या वर्षांपासून मुख्य कार्यकारी अधिकारी अजय कुमार व सध्याचे मुख्य कार्यकारी अधिकारी डॉ.राहुल गजभिये यांचे मार्गदर्शनाखाली आरोग्य अधिक्षक अमन गुप्ता यांनी आरोग्य विभागाच्या जबाबदारी स्वीकारल्यानंतर कामाचे केलेले नियोजन केले. त्यामुळे हे यश मिळाले
हे नियोजन करतांना वेळोवेळी स्वच्छता मोहीमा,आठही वार्डांमध्ये घंटागाडयाचे योग्य नियोजन, शहरातील गटाराच्या पाण्यावर प्रक्रियाया करण्यासाठी कार्यान्वित करण्यात आलेला सीएसटीपी प्लांट, शहरातील सौंदर्यीकरणसाठी केली जाणारी कलात्मकता, टाकाऊ वस्तूंचा योग्य वापर व कचऱ्याचे योग्य नियोजन करत आरोग्य कर्मचाऱ्यांना कामाबाबत सतत मार्गदर्शन केल्याने हे यश मिळाले. यासाठी वरिष्ठ अधिकाऱ्यांनी वेळोवेळी केलेल्या मार्गदर्शनासह आरोग्य कर्मचारी एनएच पटेल यांचे कंत्राटी कामगार व सुपरवायझर यांनी केलेले प्रामाणिक कामाची ही फलश्रुती आहे.
असा आहे देशातळीवरील गुणानुक्रम
१) अहमदाबाद २) मेरठ ३) दिल्ली ४) देवळाली ५) पंचमढी ६) महू ७) सिकंदराबाद ८) जालंधर ९) खडकी १०) जबलपूर
