चांदवड – आंतरराष्ट्रीय रोईंगपटू दत्तू भोकनळला रोईंग फेडरेशनने अचानक सराव बंद करण्यास सांगितले. त्यामुळे त्यास टोकियो ऑलम्पिकला मुकावे लागले. लष्करी सेवेत असल्याने फेडरेशनविरूद्ध जाहीरपणे बोलता येत नसल्याने नैराश्येतून आपण राजीनामा दिल्याची खंत रोईंगपटू दत्तू भोकनळ याने व्यक्त केली. दत्तूवर झालेल्या अन्यायाबाबत पुणतांब्याचे किसान क्रांतीचे मुख्य समन्वयक धनंजय जाधव, संघर्ष शेतकरी संघटनेचे संस्थापक अध्यक्ष हंसराज वडघुले, किसान क्रांतीचे राज्य समन्वयक योगेश रायते यांनी थेट तळेगाव रोहिला दत्तूच्या घरी जाऊन सत्य परीस्थिती जाणून घेतली. त्यावेळी दत्तूने आपल्यावर झालेल्या अन्यायाची माहिती दिली.
चांदवड तालुक्यातील तळेगाव रोही या खेडेगावातील अत्यंत गरीब शेतकरी कुटुंबातील दत्तू भोकनळने लष्करी सेवेतून रोईंगपटू म्हणून देशाला “आॉलिम्पिक २०१६” मध्ये रोईंगमधील पहिले सुवर्णपदक मिळवत केलेल्या कामगिरीमुळे भारत सरकारने क्रीडाविश्वातील देशपातळीवरील मानाच्या अर्जुन पुरस्काराने सन्मानित करुन दत्तूचा गौरव केला. सध्या सुरु असलेल्या टोकियो ऑलिम्पिकमध्ये पुन्हा देशाला सुवर्णपदक मिळवण्यासाठी दत्तू जीवतोड सराव करत होता. त्याची गुणवत्ता व क्षमता नक्कीच सुवर्णपदकाची होती. तरीही रोईंग फेडरेशन ऑफ इंडियाने येनकेनप्रकारे दत्तूवर अन्याय करत थातूर-मातूर कारण पुढे करत सराव शिबिरातून बाहेर जाण्यास सांगितले. याबाबत भोकनळने जाहिरपणे माझे काय चुकले, असा सवाल केला. त्यामुळे हा सर्व प्रकार समजून घेण्यासाठी पुणतांब्याचे किसान क्रांतीचे मुख्य समन्वयक धनंजय जाधव, संघर्ष शेतकरी संघटनेचे संस्थापक अध्यक्ष हंसराज वडघुले, किसान क्रांतीचे राज्य समन्वयक योगेश रायते यांनी थेट तळेगाव रोहिला दत्तूच्या घरी जाऊन सत्य परीस्थिती जाणून घेतली. ‘रोईंग फेडरेशन ऑफ इंडिया’च्या मनमानीमुळे दत्तूला टोकियो ऑलिम्पिकमध्ये सहभागी होता आले नाही. तसेच, इतरही सर्व घडलेल्या घडामोडी सांगितल्या. लष्करी सेवेत असल्याने फेडरेशनकडून होणाऱ्या अन्यायाबाबत जाहिरपणे बोलता येत नसल्याने आपण नैराश्यातून राजीनामा दिल्याचे दत्तूने सांगितले. दत्तूवर झालेल्या अन्यायाला वाचा फोडण्यासाठी शेतकरी नेत्यांनी दत्तूला न्याय मिळेपर्यंत भक्कमपणे पाठीशी उभे राहणार असल्याचे सांगितले. यापुढेही सराव सुरु ठेवण्यासाठी आर्थिक मदत मिळवण्यासाठी मदत करा, मी रोईंगमधील सलग दुसरे सुवर्णपदक घेणारच, असा आत्मविश्वास दत्तूने व्यक्त केला.
याबाबत मुख्यमंत्री ऊद्धव ठाकरे, राष्ट्रवादी काँग्रेसचे अध्यक्ष शरद पवार, क्रीडामंत्री सुनील केदार व पालकमंत्री छगन भुजबळ यांना मंगळवारी (दि.२७ जुलै) मेलद्वारे दत्तूला न्याय मिळावा, अशी मागणी किसान क्रांतीने करत भेटीची वेळ मागतली आहे. दत्तूला न्याय न मिळाल्यास वेळप्रसंगी आंदोलन करण्याचा इशाराही यावेळी देण्यात आला.
कारण न देताच सरावातून बाहेर काढले
पुणे ऑलिंपिक शिबिरामध्ये माझा सराव व्यवस्थित सुरू होता. २०१६ च्या ऑलम्पिकमध्ये मी जो टाईमिंग दिला होता त्यापेक्षा चार सेकंद मी तो टाइम कमी केला. त्यानंतर शिबिरांमधून अचानकपणे मला बाहेर जाण्यास सांगितले. २७ नोव्हेंबर २०२० पासून आतापर्यंत बर्याच वेळेस रोइंग फेडरेशन ऑफ इंडिया यांच्याकडे मला बाहेर जाण्यास का सांगितले, हे विचारले. अजूनही उत्तर मिळालेले नाही. या नैराश्यातून मी आर्मी सोडण्याचा निर्णय घेतला. कारण, मला आर्मीत राहून माझ्यावरील अन्यायाबाबत जाहिरपणे बोलता येत नव्हते.
– दत्तू भोकनळ, रोईंगपटू
न्याय मिळून देण्यासाठी क्रीडाप्रेमींनी संघटित व्हावे
अर्जुन पुरस्कारप्राप्त ऑलिम्पियन दत्तु भोकनळ यांची गुणवत्ता व क्षमता यामुळे रोईगमध्ये देशाला पहिल्यांदा सुवर्णपदक मिळालेले आहे तसेच आज सुरु असलेल्या टोकीओ ऑलिम्पिकसाठी दत्तुचा कसुन सुरु असलेला सराव व टाईमिंग पुन्हा देशाला सुवर्णपदक मिळऊन देणारा आसतांनाहि रोईंग फेडरेशन ऑफ इंडिया यांनी येनकेनप्रकारे दत्तुवर अन्याय करत सराव शिबिरातून बाद केल्याने देशाला व दत्तुला सुवर्णपदकाला मुकावे लागले आहे यामुळे क्रीडाप्रेमींचे मनोबल खच्चीकरण होत असल्याने भोकनळ यांना न्याय मिळून देण्यासाठी क्रीडाप्रेमींनी संघटित व्हावे.
-धनंजय जाधव, मुख्य समन्वयक,किसान क्रांती महाराष्ट्र राज्य
वेळ पडल्या आंदोलन करु
इलेक्ट्रॉनिक व प्रिंट मिडीयामधून दत्तु भोकनळ यांचेवर झालेल्या आन्याबद्दल माहिती मिळाली म्हणून सत्य परीस्थिती समजून घेण्यासाठी काल आम्ही तळेगाव रोही येथे प्रत्यक्ष घरी जाऊन सविस्तर माहिती करुन घेतली असता जाणिवपूर्वक भोकनळ यांना डावलण्यात आले असे दिसते अत्यंत प्रतिकुल परीस्थितीशी झगडुन देशाला बहुमान मिळून देणाऱ्या शेतकरीपुत्रावर होणारा अन्याय चिड आणणारा आहे भोकनळ यांना न्याय मिळावा यासाठी शासन दरबारी पाठपुरावा तर करुच पण प्रसंगी आंदोलनाची वेळ पडली तरी हरकत नाही.
-हंसराज वडघुले, संस्थापक अध्यक्ष,संघर्ष शेतकरी संघटना महाराष्ट्र राज्य
