इंडिया दर्पण ऑनलाईन डेस्क
उत्तर प्रदेशमधील मीरपूर भागात आदर्श कॅालनीत पाच मित्रांनी दारुची पार्टी चांगलीच महागात पडली आहे. या पाचही मित्रांनी दारुची पार्टी केली. त्यानंतर दुस-या दिवशी त्यांची प्रकृती बिघडली. त्यानंतर त्यांना रुग्णालयात दाखल करण्यात आले. पण, उपचारादरम्यान चार दिवसात पाचही मित्रांचा मृत्यू झाला.
महेशकुमार उर्प मामू (४०), विकी (३५), दीपू (२५), चंद्रपाल (५५), सुंदर (४८) अशी मृतांची नावे आहेत. त्यांनी जवळच असलेल्या एका दुकानातून दारु खरेदी केली. पण, या विषारी दारुमुळे त्यांचा मृत्य झाल्याचे बोलले जात आहे. त्यांनी या दारु पार्टीत शिळे चिकनही खाल्ले.
या घटनेमुळे या गावात खळबळ निर्माण झाली आहे. आदर्श कॅालनीत अनेक दिवसांपासून हा अवैध दारु निर्मितीचा धंदा सुरु असल्याचेही समोर आले आहे. येथील लोक मोठ्या प्रमाणात येथे दारु पिण्यासाठी जातात. या पाचही मित्रांनी येथूनच दारु खरेदी केली व नंतर पार्टी केली. पार्टी केल्यानंतर हे पाचही मित्र आपआपल्या घरी गेले. पण, अचानक उलट्या झाल्यानंतर त्यांची प्रकृत्ती बिघडली. त्यानंतर या सर्व मित्रांना वेगवेगळ्या रुग्णालयात त्यांच्या कुटुंबियांनी दाखल केले. पण, चार दिवसात एक एक करुन पाचही मित्रांचा मृत्यू झाला.
