इंडिया दर्पण ऑनलाईन डेस्क – फिफा विश्वचषक २०२२ साठी प्रसिद्ध डान्सर नोरा फतेही सध्या कतारमध्ये आहे. तिथे आपली कला दाखवणाऱ्या नोरा फतेहीचे बरेच व्हिडीओ सोशल मीडियावर व्हायरल झाले आहेत. देशाचे नाव तिने अधिक उंचावले, असं तिचं कौतुक सध्या सोशल मीडियावर सुरू आहे. नेटकरी तिचं कौतुक करत आहेत. मात्र, नुकताच तिचा एक व्हिडीओ समोर आला आहे. ज्यामुळे तिच्यावर टीकेची झोड उठवली जात आहे. तिच्या डान्स परफॉर्मन्सनंतर नोरा फतेहीने भारताचा राष्ट्रध्वज अभिमानाने फडकवत ‘जय हिंद’च्या घोषणा दिल्या. पण यावेळी तिच्याकडून मोठी चूक झाली. ज्यावर नेटकरी तिच्यावर टीका करताना दिसत आहेत.
फिफा विश्वचषक २०२२ मध्ये भारताचं प्रतिनिधीत्व करत नोराने ‘लाइट द स्काई अँथम’ गाण्यावर कला सादर केली. नोरा फतेहीने यावेळी ‘जय हिंद’च्या घोषणा दिल्या आणि स्टेजवर हातात तिरंगा घेऊन तो अभिमानाने फडकवतानाचे काही फोटो आणि व्हिडीओ चाहत्यांनी सोशल मीडियावर शेअर केले आहेत. या व्हिडीओमध्ये नोरा फतेही डान्स परफॉर्मन्सनंतर तिरंगा फडकवताना दिसत आहे. तसेच ती ‘जय हिंद’च्या घोषणाही देत आहे. तिच्याबरोबर स्टेडियममधील प्रेक्षकांनीही ‘जय हिंद’च्या घोषणा दिल्या. पण या व्हिडीओमध्ये नोराची चूक झाली आहे. आणि ती नेटकऱ्यांच्या लक्षात आली आहे. उत्साहाच्या भरात नोराने तिरंगा उलटा पकडला होता. ज्यावरून तिला सोशल मीडियावर ट्रोल केलं जात आहे.
नोरा फतेहीने तिरंगा उलटा धरला आहे. एवढंच नाही तर तिरंगा उचलत असतानाही चुकीच्या पद्धतीने उचलेला या व्हिडीओमध्ये दिसत आहे. यानंतर तिने हा तिरंगा एका व्यक्तीच्या दिशेने फेकला. नोराचं हे वागणं मात्र नेटकऱ्यांना अजिबात आवडलं नाही. आणि यापूर्वी तिच्या कौतुकाच्या कमेंट करणारे तात्काळ तिच्यावर टीका करू लागले आहेत. राष्ट्रध्वज चुकीच्या पद्धतीने उचलणे, उलटा पकडणे आणि नंतर फेकून त्याचा अपमान केल्याने नेटकऱ्यांनी नोरावर आगपाखड केली आहे.
नोराने तिच्या इन्स्टाग्रामवर फिफा विश्वचषक २०२२चा एक व्हिडीओ शेअर केला आहे. हा व्हिडीओ शेअर करताना तिने लिहिलं, “विश्वचषक सुरू असलेल्या स्टेडियममध्ये तुमच्या आवाजातलं गाणं वाजतं, तेव्हा निर्माण होणारी भावना ही वेगळीच असते. अशा गोष्टींची कल्पना मी माझ्या स्वप्नांमध्ये अनेकदा केली होती. हे स्वप्न आज पूर्ण झालं.”
Dancer Nora Fatehi Troll Indian Flag Insult Video Viral
FIFA 2022
