अजय सोनवणे, इंडिया दर्पण वृत्तसेवा
मालेगाव बाह्यचे आमदार व माजी कृषी मंत्री दादा भुसे आपल्या कार्यकर्त्याच्या घरातील व्यक्तीचे निधन झाल्याने त्यांच्या सांत्वनासाठी तालूक्यातील वडनेर-खाकुर्डी येथे गेले होते. परत जात असतांना त्यांच लक्ष अचानक अवैध जुगार अड्डयावर गेले. त्यांनी आपल्या वाहन चालकाला पुन्हा गाडी मागे घेण्यास सांगत प्रत्यक्षात त्या ठिकाणी छापा टाकला आणि जुगार चालवणा-याला पोलिसांच्या ताब्यात दिले. यावेळी दादा भुसे यांनी पोलिसांवर चांगलेच ताशेरे ओढले. अवैध रित्या जुगाराकडे ग्रामिण भागातील नागरीक ओढले जाऊन त्यांचे कुटूंब उध्वस्त होतात याचा जाब ही त्यांनी उपस्थित पोलिस अधिका-यांना विचाराला. काही दिवसापुर्वी झोडगे शिवारात त्यांनी अशाच प्रकारे जुगार अड्ड्यावर छापा टाकला होता. मात्र त्यानंतरही मालेगाव तालूक्यात अनेक ठिकाणी अवैधरित्या जुगाराचे अड्डे सुरु असल्याच यामुळे पुन्हा एकदा समोर आले आहे.
