सायबर जगतात इतिहास रचणारी कामाक्षी शर्मा आहे तरी कोण? तिच्यावर बनणार चित्रपट

इंडिया दर्पण ऑनलाईन डेस्क – सायबर गुन्हेगारी रोखण्यासाठी आणि नागरिकांना जागरुक करण्यासाठी गाझियाबादच्या कन्या कामाक्षी शर्माचे जगभरात नाव घेतले जात आहे. कोणत्याही पदाशिवाय २०१९ मध्ये, कामाक्षीने सायबर गुन्हे रोखण्यासाठी जम्मू ते कन्याकुमारीपर्यंत ५० हजार पोलिसांना प्रशिक्षण दिले. हा एक प्रकारचा विक्रमच आहे.

जम्मू ते कन्याकुमारीपर्यंतच्या अनेक आयपीएससह पोलीस अधिकाऱ्यांना प्रशिक्षण देण्यासाठी आणि पाच हजारांहून अधिक सायबर गुन्ह्यांची उकल केल्याबद्दल कामाक्षी यांचे नाव वर्ल्ड बुक ऑफ रेकॉर्डमध्ये एका महिन्यासाठी नोंदवले गेले. तसेच यापूर्वी त्यांचे नाव इंडिया बुक ऑफ रेकॉर्ड आणि एशिया बुक ऑफ रेकॉर्डमध्येही नोंदवले गेले आहे. आता, रॉक स्टार एंटरटेनमेंटचे निर्माते दीपक मुकुट हे कामाक्षी यांच्या आयुष्यावर चित्रपट बनवण्याच्या तयारीत आहेत. त्यांनी सोहम , धाकड, मुल्क, अपने 2, शादी में जरूर आना आणि सनम तेरी कसम या चित्रपटांची निर्मिती केली आहे.

कामाक्षी यांना त्यांच्या बायोपिकसाठी मुंबई बोलावून करार केला आहे. चरित्रात्मक चित्रपटात एक मोठी अभिनेत्री तिची भूमिका साकारणार आहे. मध्यमवर्गीय कुटुंबातून आणि सायबर गुन्हे रोखण्याच्या प्रत्येक पैलूतून या टप्प्यावर पोहोचण्यासाठी सर्व चढ-उतार कामाक्षी यांनी सहन केले आहेत. कामाक्षी यांच्या मते, चित्रपट निर्माते आंतरराष्ट्रीय स्तरावर प्रदर्शित करतील. त्यामुळे सायबर गुन्हे रोखण्यात भारताचे नाव जागतिक स्तरावर चमकेल. कामाक्षी शर्मा या मूळच्या उत्तर प्रदेशातील मेरठच्या बुढाणा गेट येथील रहिवासी आहे. सध्या त्या राष्ट्रीय राजधानी क्षेत्रातील जुन्या पंचवटीमध्ये आपल्या कुटुंबासोबत राहतात. त्यांचे वडील रघु शर्मा दिल्लीत एका खासगी कंपनीत सुपरवायझर आहेत.

कामाक्षी यांनी त्यांचे 10वी आणि 12वीचे शिक्षण गाझियाबादमधील खाजगी शाळांमधून केले. यानंतर त्यांनी गढवाल विद्यापीठातून बी.टेक. ही पदवी घेतली. त्याचवेळी त्यांनी इथिकल हॅकिंगची परीक्षा उत्तीर्ण केली. त्यानंतर त्यांनी सायबर क्राईमवर काम सुरू ठेवले. त्यांना गृह मंत्रालयाकडून राष्ट्रीय पोलीस गट नावाचे एक मिशन मिळाले, ज्या अंतर्गत जम्मू-काश्मीरपासून कन्याकुमारीपर्यंत 30 हून अधिक शहरांमध्ये त्यांनी वेगवेगळ्या राज्यांमध्ये तैनात असलेल्या आयपीएस अधिकाऱ्यांना आणि 35 हजारांहून अधिक पोलिसांना सायबर क्राइमचे प्रशिक्षण दिले. पोलिसांकडून सायबर गुन्ह्यांना आळा घालणे हा त्याचा उद्देश आहे.

कामाक्षी शर्मा सांगतात की, आत्तापर्यंत आपण अमेरिका, चीन, रशिया, जर्मनीसह अनेक देशांना सायबर तज्ज्ञ म्हणून ओळखतो, पण भारत देखील जगातील सर्वात मोठा तज्ज्ञ बनू शकतो. आपल्या देशात लोक खूप वेगाने इंटरनेट वापरत आहेत. यातून होणाऱ्या सायबर गुन्ह्यांपासून सुटका करण्याचा त्यांचा आग्रह आहे. जनजागृतीने सायबर फसवणूक टाळता येऊ शकते, असे त्या म्हणतात.

cyber world who is kamakshi sharma cyber expert coming soon biopic