अश्विनी कावळे, इंडिया दर्पण वृत्तसेवा
जर तुम्हाला एखादी सुंदर मुलगी फेसबुकवर सतत फ्रेंड रिक्वेस्ट पाठवत असेल, इन्स्टाग्राम मेसेंजरवर मदत मागत असेल, किंवा व्हॉट्सअॅपवर हाय, हॅलो करणारे मेसेज करत असेल तर सावध रहा. मुंबईत हिरोईन बनण्यासाठी आलेल्या सर्व मुलींना त्यांच्या टोळीत सहभागी करून घेत देशभरात सध्या सेक्सटोर्शन रॅकेट सध्या सक्रिय आहे. या टोळ्या लोकांचे कॉम्प्युटर, मोबाईल कॅमेरे हॅक करून त्यांच्या फोटोंना एडिट करुन अश्लील व्हिडीओ तयार करतात आणि नंतर लोकांना ब्लॅकमेल करुन लाखोंची कमाई करत असल्याचे भयावह वास्तव सध्या समोर आले आहे. या टोळ्यांविरोधात आता देशव्यापी मोहीम सुरू करण्यात आली असून, त्यासाठी मुंबई पोलिसांचे सायबर विभागही कारवाईत उतरले आहेत.
मुंबई आणि आजूबाजूच्या परिसरात काही नवीन प्रकारची कॉल सेंटर्स सध्या सुरू होत आहेत. कॉल सेंटरमध्ये काम करणाऱ्यांचीच या सेंटर्सवर भरती केली जाते. पण त्यात काम करण्यासाठी येणाऱ्या मुलींचा अनुभव काही औरच सांगतो. उत्तर प्रदेशातील आझमगढ येथून हिरोईन बनण्यासाठी आलेली बबिता (नाव बदलले आहे) सांगते, ‘चार वर्षांपूर्वी एका टीव्ही मालिकेत कामाच्या शोधात मी इथे आले होते. दरम्यान, मला कॉल सेंटरमध्ये काम करण्याची ऑफर आली. घरचा खर्च भागवण्यासाठी मी ते स्वीकारले, पण कोरोना संक्रमण काळात कॉल सेंटरने काम करणे बंद केले आणि त्याच्या ऑपरेटर्सनी मला बनावट फेसबुक प्रोफाइल तयार करून लोकांना फ्रेंड रिक्वेस्ट पाठवण्याचे काम दिले.
बबिता सारख्या मुलींना दररोज फेसबुक फ्रेंड बनवण्याचे लक्ष्य मिळते. या मुली सोशल मीडियावर छायाचित्रे उचलून दररोज ४० ते ५० नवीन प्रोफाइल तयार करतात. पूर्वी या लोकांचे काम सोशल मीडियावर लाइक्स आणि रिट्विट्स वाढवायचे होते, पण कमाई कमी होत असल्याचे पाहून त्यांना सेक्सटोर्शनच्या कामाला लावले गेले. देशभरात त्याच पद्धतीवर काम सुरू आहे. प्रथम अज्ञात व्यक्तीला फेसबुक फ्रेंड बनवले जाते. काही दिवस मैत्रीची चर्चा होते आणि मग कसा तरी मोबाईल नंबर मिळवला जातो. मोबाईल नंबर मिळताच हे लोक थेट व्हॉट्सअॅप व्हिडीओ कॉल करतात आणि तुम्ही हॅलो म्हणण्यासाठी कॅमेरा ऑन केलात तरी तुम्ही त्यांच्या शिकारीत अडकता.
मुंबईतील काही बड्या चित्रपट निर्मात्यांसह सर्व बडे उद्योगपती या नव्या सायबर गुन्ह्याचे बळी ठरले आहेत. या व्हॉट्सअॅप कॉल्सच्या माध्यमातून तयार होणारे व्हिडीओ एडिट करून अशा प्रकारे बनवले जातात की, अशी व्यक्ती एकतर न्यूड व्हिडिओ पाहत आहे किंवा एखाद्या अश्लील कृत्यात सामील आहे. त्यानंतर हे व्हिडिओ सोशल मीडियावर व्हायरल करण्याची धमकी दिली जाते. व्हिडीओ डिलीट करण्याच्या नावाखाली सुरुवातीला थोडीफार रक्कम मागितली जाते आणि जर कोणी ही छोटी रक्कम पहिल्यांदाच दिली असेल तर ही मागणी सतत वाढतच जाते. मुंबईतील एका व्यावसायिकाची नुकतीच एका टोळीने अशा प्रकारे सुमारे ७५ लाख रुपयांची फसवणूक केली आहे.
याबाबत तज्ज्ञ म्हणतात की, ”ही टोळी सध्या देशभरात लुबाडणूक करत आहे. त्यांच्यावर कायदेशीर कारवाई होणे गरजेचे आहे. ब्लॅकमेल करण्याचा प्रयत्न करणाऱ्यांचे कॉल रेकॉर्ड करून जवळच्या पोलिस स्टेशनला कळवले तर अशा बाबींना वेळीच रोखता येईल.”
