नाशिक (इंडिया दर्पण वृत्तसेवा) – व्हॉटसअॅप, फेसबुक आणि इन्स्टाग्राम या सोशल माध्यमाद्वारे बालकांचे अश्लील व्हिडीओ इतरांना प्रसारीत केल्या प्रकरणी येथील सायबर पोलीस ठाण्यात २५ जणांविरूद्ध गुन्हा दाखल करण्यात आला आहे. पोलिसांनी दिलेल्या माहितीनुसार, महाराष्ट्र सायबर सेलकडून सीडी प्राप्त झाली आहे. यामध्ये नाशिकच्या २५ जणांनी मे २०१८ ते जानेवारी २०२१ दरम्यान बंदी असतानाही सोशल साईटवर बालकांचे अश्लील व्हिडीओ इतरांना प्रसारीत केले. याप्रकरणी पोलीस उपनिरीक्षक दानिश मन्सुरी यांनी दिलेल्या तक्रारीवरून माहिती तंत्रज्ञान कायदा २०० चे कलम ६७ (ब) अन्वये गुन्हा दाखल करण्यात आला आहे. अधिक तपास वरिष्ठ पोलीस निरिक्षक सुरज बिजली करीत आहेत.
